Рой Шайдэр

Рой Шайдэр
англ.: Roy Scheider
Дата нараджэння	10 лістапада 1932(1932-11-10)[…]
Месца нараджэння	Орындж, Нью-Джэрсі
Дата смерці	10 лютага 2008(2008-02-10)[…] (75 гадоў)
Месца смерці	Літл-Рок, Арканзас
Грамадзянства	ЗША
Жонка	Cynthia Scheider[d] і Brenda Siemer Scheider[d]
Адукацыя	Ратгерскі ўніверсітэт Franklin & Marshall College[d] Columbia High School[d]
Прафесія	акцёр, кінаакцёр, баксёр
Кірунак	драматычны фільм, баявік, прыгодніцкі фільм, фільм жахаў, трылер, спартыўны фільм[d], крымінальны фільм[d], psychological thriller film[d], фільм-містэрыя[d], фэнтэзійны фільм, psychological horror film[d], natural horror film[d], навукова-фантастычны фільм і science fiction horror film[d]
IMDb	ID 0001702
Медыяфайлы на Вікісховішчы

Рой Рычард Шайдэр (англ.: Roy Richard Scheider; 10 лістапада 1932, Орындж, Нью-Джэрсі — 10 лютага 2008, Літл- Рок, Арканзас) — амерыканскі акцёр. Двухразовы намінант на прэмію «Оскар».

Экранная кар’ера Шайдэра пачалася з ролі ў фільме жахаў «Праклён жывых мерцвякоў» (1964). Потым былі ролі ў фільмах «Папяровы леў» (1968) і «Стылет» (1969). Вядомасць да акцёра прыйшла ў 1971 годзе пасля ролі ў паліцэйскім баявіку «Французскі сувязны», а дзякуючы галоўнай ролі ў трылеры Стывена Спілберга «Сківіцы» акцёр увайшоў у лік вядучых «зорак» Галівуду.

Шайдэр пагадзіўся на ролю ў фільме «Марафонец», бо вельмі хацеў папрацаваць з Дасцінам Хофманам і Лоўрэнсам Аліўе. Прызнаваў сваім самым крыўдным кар’ерным промахам адмову ад ролі Майкла ў фільме «Паляўнічы на ​​аленяў». За ролю дэтэктыва паліцыі Бадзі Русо ў фільме Уільяма Фрыдкіна «Французскі сувязны» Шайдэр быў намінаваны на прэмію «Оскар» у намінацыі «Найлепшы акцёр другога плана» (прэмія дасталася Бену Джонсану за фільм «Апошні кінасеанс»).

У другой палове 1970-х і ў 1980-я гады ў Роя Шайдэра былі прыкметныя ролі, у тым ліку ў фільмах буйных майстроў («Увесь гэты джаз», «Блакітны гром»), аднак да пачатку 1990-х яго кар’ера закацілася.

У 1990-я гады і надалей Рой Шайдэр часта здымаўся ў танных фільмах, а таксама на тэлебачанні (у прыватнасці, галоўная роля ў навукова-фантастычным тэлесерыяле «Падводная адысея» з 1993 па 1996 год).