Ційт Вяхі

Ційт Вяхі
Tiit Vähi
11-ы Прэм'ер-міністр Эстоніі 29 студзеня 1992 — 21 кастрычніка 1992
Папярэднік	Эдгар Савісаар
Пераемнік	Март Лаар
14-ы Прэм'ер-міністр Эстоніі 17 красавіка 1995 — 17 сакавіка 1997
Папярэднік	Андрэс Таранд
Пераемнік	Март Сійман
Нараджэнне	10 студзеня 1947(1947-01-10) (77 гадоў) Валга, Эстонская ССР, СССР
Партыя	Кааліцыйная партыя
Адукацыя	ТТУ
Прафесія	інжынер-механік
Узнагароды
Медыяфайлы на Вікісховішчы

Ційт Вяхі (эст.: Tiit Vähi; 10 студзеня 1947, Валга, Эстонская ССР) — эстонскі дзяржаўны дзеяч, прэм'ер-міністр Эстоніі ў 1992 і 1995—1997 ад кааліцыйнай партыі Эстоніі.

Біяграфія

Ційт Вяхі нарадзіўся 10 студзеня 1947 года ў горадзе Валга Эстонскай ССР, скончыў Талінскі тэхнічны ўніверсітэт. Быў адным з арганізатараў Народнага Фронту Эстоніі, у 1989 годзе стаў міністрам транспарту і сувязі Эстонскай ССР (з 8 мая 1990 — Эстонскай Рэспублікі), гэты пост ён займаў да 1992 года. У 1992 годзе ён узначаліў урад. Падчас яго праўлення была ўведзена новая валюта — эстонская крона і пачалася шырокая прыватызацыя дзяржаўнай уласнасці. У выбарах у Рыйгікогу 1992 ён не ўдзельнічаў. У 1993 стаў старшынёй кааліцыйнай партыі. На выбарах у Рыйгікогу 1995 кааліцыя кааліцыйнай партыі Эстоніі і Народнага саюза Эстоніі атрымала перамогу і ён да стаў прэм'ер-міністрам. 25 лютага 1997 года падаў у адстаўку з-за рознагалоссяў з членамі сваёй жа партыі. 27 лютага 1997 года прэм'ер-міністрам стаў Март Сійман.