Israèl
Israèl atawa Isro'èl (hurup Arab Gundul: اسرائيل; basa Ibrani: יִשְׂרָאֵל Yiśrāʾēl; basa Arab: اسرائيل Isrāʾīl) atawa resminya Daulat Israèl (hurup Arab Gundul: دولة اسرائيل; basa Ibrani: מְדִינַת יִשְׂרָאֵל Məḏînat Yiśrāʾēl; basa Arab: دولة اسرائيل Dawlat Isrāʾīl) entu ada atu negara di Asia Kidul-kulon, di lingir wètannya Laot Tenga. Israèl entu atu-atunya negara Yahudi, tana aèr rohaniah bakal mana-mana orang Yahudi seantèro Dunia. Di tahon 2013, Israèl punya penduduk – 8,1 juta, èn 6,04 jutanya entu orang Yahudi. Adapun warga negara Israèl deri laèn bangsa selaèn Yahudi kebanyakannya entu orang Arab (1,6 juta) nyang agamanya Selam, Serani, atawa Darji. Adapun dia punya hopstad èmang rada ribet.[1] Ni negara ngakunya dia punya hopstad – Bétalmegedis, cuman diakuinnya kewates doang, bahna Bétalmegedis juga' diakuin jadi bagèan Palestèn juga. Mangkanya, banyak negara masing ngejogrogin dia punya komsol[2] di Tal Abib.
Ruju'an
[permak | permak sumber]- ↑ "הודעות לתקשורת". www1.cbs.gov.il (basa Ibrani). 2014. Diarsip deri nyang asli per tanggal 30 Désèmber 2013. Dipungut 13 Juli 2023.
- ↑ Chaer, Abdul. (2009). Kamus Dialek Jakarta. K. Rép. Penerbit Masup Jakarta. Komsol (hurup Arab Gundul: کمسول) – kedutaan besar (Indo.); embassy (Ing.).