Burzum

Burzum
Varg Vikernes
Ganet	1991-1999 goude 2010 - Bergen - Norvegia
Doare(où)	Black Metal
Benveg(où)	holl
Label(ioù)	Deathlike Silence, Cymophane, Misanthropy ha Byelobog
Lec'hienn ofisiel	http://www.burzum.org/

Burzum zo ur strollad Black Metal Norvegia, en deus savet pladennoù Dark Ambient ivez, bet krouet e 1991 e Bergen. Unan eus kentañ ha brudetañ strolladoù Black Metal Norvegia an hini eo.

Anavezet eo Varg Vikernes hag e raktres sonerezhel ivez evit e vennozhioù politikel hag e dorfedoù : gouennelour eo Vikernes ha drouklazhet en doa rener ur strollad all.

Emañ o chom e Frañs, goude ur prantad hir en toul-bac'h Norvegiad.

Izili

E gwirionez n'eus, koulz lavaret, nemet un ezel er strollad : Varg Vikernes e-unan. Arzourien all a voe bet pedet evit sevel pladennoù zo e penn kentañ ar strollad avat : Øystein Aarseth, graet anezhañ Euronymous, ezel eus ar strollad Mayhem, gitarour evit an titl War, war ar bladenn anvet Burzum e 1992 Tomas Thormodsæter Haugen, graet anezhañ Samoth, ezel eus ar strollad Emperor, a sonas gitar-bas war ar bladenn Aske.

Istor ar strollad

D'e 15 vloaz en doa kroget « Varg » Vikernes (kemmet en doa e anv badez Kristian a dalv « kristen » evit « Varg » a dalvez « bleiz » e norvegeg) da seniñ e-barzh strolladoù dister graet Kalashnikov hag Uruk Hai anezho. E 1989 neuze e voe ezel eus ar strollad Old Funeral, a guitas daou vloaz war-lerc'h evit sevel e sonerezh dezhañ e-unañ. Div bladenn EP a zeuas er-maez e 1991 dindan an anv Burzum. Pladenn gentañ ar strollad, anvet (Burzum), az eas er-maez e 1992. Ar bloavezh war-lerc'h a voe hini ma reas « berzh » ar strollad : savet en doa div bladenn, plantet en doa Vikernes tan e meur a iliz prenn norvegiat eus ar Grennamzer, asambles gant tud fanatik all, hag e zrouklazhas Euronymous, rener ar strollad Mayhem o vezañ ma felle da hennezh, hervez Vikernes lazhañ anezhañ. Tamallet voe ouzh Aarseth/Euronymous bout heñvelreizhad ha komunour gant Varg Vikernes. Ar prantad reuz, stourm kalet etre an daou vignon bet, a echuas fall, kontet e vez pep tra gant Varg war youtube.

Div bladenn ouzhpenn (Hvis Lyset Tar Oss ha Filosofem), enrollet a-raok ar muntr, az eas er-maez nebeut war-lerc'h bac'hidigezh Vikernes a reas ivez div bladenn Dark Ambient (Dauði Baldrs et Hliðskjálf ) en toullbac'h o vezañ ma n'en doa nemet ur c'hiboard d'ober sonerezh. Kontet en deus meur a wech Vikernes ne felle ket dezhañ seniñ Black Metal ken. Koulskoude en deus graet div bladenn Black Metal ouzhpenn war-lerc'h bout bet dieubet, dindan ar frankiz amplegadek, e 2009.

Orin anv ar strollad

Dont a ra anv ar strollad eus ur yezh kevrinus bet ijinet penn-da-benn gant J.R.R. Tolkien : ar parlant du. « Teñvalijenn » a dalv « Burzum » er yezh-mañ. « Teñvalijenn ar gristenion a oa ma sklêrijenn, anat e oa din ober gant an anv Burzum » emeve Vikernes. En oberenn Tolkien e veneger ar ger-se meur a wech, da skouer war gwalenn Sauron e-lec'h m'emañ engravet ar gerioù-mañ : "…agh burzum-ishi krimpatul" a dalv "…en deñvalijenn o c'hevreañ holl". Gwelet e vez levezon oberenn Tolkien war ar Varg Vikernes yaouank pa veneger e lesanv a gCount Grishnackh, unan eus Orked Aotrou ar Gwalennoù, pe unan eus ar strolladoù en doa sonet enno : Uruk Hai, unan eus gouennoù orked al levr-se eo an Uruk Haied.

Abalamour da vennozhioù politikel Vikernes eo kevelet Burzum gant an NSBM. Neoazh n'eus ket kaoz eus an naziegezh e sonioù Burzum a zo awenet gant mitologiezh an Hanternoz hag an aergelc'h hag ar bed krouet gant Tolkien. Ober a ra Burzum/Vikernes gant un endro dezhañ e-unan, disheñvel eus ar pezh a vez graet gant strolladoù Black Metal all, o vezañ ma kask krouiñ un aergelc'h teñval kentoc'h eget sevel ur sonerezh feuls evel al lodenn vrasañ eus strolladoù all ar stil-se.

Roll pladennoù

• Burzum (1992)
• Aske (1993)
• Det som engang var (1993)
• Hvis lyset tar oss (1994)
• Filosofem (1996)
• Dauði Baldrs (1997)
• Hliðskjálf (1999)
• Belus (2010)
• Fallen (2011)

Liammoù diavaez

http://www.burzum.org/

http://byelobog-productions.burzum.org/