Edward Lear
Edward Lear a oa un evnoniour, treser, soner, sonaozour ha barzh saoz, ganet d'an 12 a viz Mae 1812 e Holloway (e bannlev Londrez e Bro-Saoz) ha marvet d'an 29 a viz Genver 1888 e Sanremo, e Rouantelezh Italia.
Kalz e veajas Lear a-hed e vuhez, met war-dro 1870 e tiazezas davat en Sanremo, war aod ar Mor Kreizdouar, en ur genkiz anvet Villa Tennyson, diwar anv ar barzh saoz Alfred Tennyson.
P'en em ginnige Lear e roe an anv Mr Abebika kratoponoko Prizzikalo Kattefello Ablegorabalus Ableborinto phashyph pe Chakonoton the Cozovex Dossi Fossi Sini Tomentilla Coronilla Polentilla Battledore & Shuttlecock Derry down Derry Dumps, diazezet war Aldiborontiphoskyphorniostikos[1].
E-pad pell ez eas e yec'hed war fallaat, ken na varvas en e genkiz e 1888 gant un tarzh-kalon. Hervez gwreg e vezeg, an Doktor Hassall, e voe trist an obidoù, rouez an dud en deiz-se, ha hini ebet eus e vignoned ne oa deuet [2].
Beziet eo Lear er vered Foce en San Remo. War ar maen-bez e lenner, diwar Menez Tomohrit en Albania, tapet eus barzhoneg Tennyson To E.L. [Edward Lear], On His Travels in Greece :
all things fairall things fair.
With such a pencil, such a pen.
You shadow'd forth to distant men,
I read and felt that I was there.
Ar barzh
[kemmañ | kemmañ ar vammenn]
Dastumad Paddy Leigh Fermor
E 1846 e voe embannet gant Lear A Book of Nonsense, un dastumad limericks hag istorioù berr ; div wech e voe adembannet, ha gantañ e voe brudet-kaer an doare gwerzaouiñ hag al lennegezh dibennachoù. E 1871 e embannas Nonsense Songs, Stories, Botany and Alphabets, ennañ ar varzhoneg brudet The Owl and the Pussycat, savet evit bugale e harper Edward Stanley, 13vet Kont Derby. Ha re all a voe war e lerc'h.
Skeudennaoueg
[kemmañ | kemmañ ar vammenn]-
Macrocercus aracanga, 1830 -
A Weasel - Dourlivadur, 1832 -
Chimpanzee, 1835 -
Eagle Owl, 1837
-
The owl an the Pussycat, 1888 -
Skeudenn evit al limerick There was a Young Lady of Hull, 1846
 |
 |
 |
Notennoù
[kemmañ | kemmañ ar vammenn]- ↑ Pendlebury, Kathleen Sarah (November 2007). Reading Nonsense: A Journey through the writing of Edward Lear. A thesis submitted in fulfilment of the Requirements for the degree of MASTERS OF ARTS of RHODES UNIVERSITY pp. 20–21. RHODES UNIVERSITY. Diellet er skrid orin d’an 18 July 2011. Kavet : 14 February 2011.
- ↑ Strachie, Lady Constance Braham : Later Letters of Edward Lear: Author of "The Book of Nonsense." (1911), Forgotten Books, 2017 (ISBN 978-1-331-29229-6)