Ӏаьнан гӀала

Ӏаьнан гӀала
	Сийлахь меттиг
Ӏаьнан гӀала
	59°56′25″ къ. ш. 30°18′50″ м. д.HGЯO
Пачхьалкх	Росси;
Лаьтта меттиг	Дворцовый округ
Архитектурин хатӀ	Елизаветинское барокко
Архитектор	Франческо Растрелли
Йиллинарг	Елизавета Петровна
Йиллина терахь	1754, 1762
Статус	ОТӀО № 7810514003№ 7810514003
Сайт	hermitagemuseum.org/…(оьр.)(ингалс.)
	Викиларми чохь медиафайлаш

Ӏаьнан гӀала (1918—1943 шерашкахь — Исбаьхьаллийн гӀала^[2]^[3]) — Российн коьрта императоран гӀала ю. Цуьнан адрес ду: Дворцовая площадь (ГӀалин майда), 2-гӀа гӀишло/ Дворцовая набережная (ГӀалин хийист), 38-гӀа гӀишло, Петарбух. Таханлера гӀалин гӀишло (пхиолгӀа) хьалайоьттина 1754-чу-1762-чу шерашкахь схьавалар италхойх долуш оьрсийн архитекторо Франческо Растрелли Бартоломеос. ГӀишлон хатӀ ду интерьерашкахь французийн рококо йолу елизаветан барокко.

Советан заманера схьа дуьйна, гӀалин чохь дӀахӀоттийна ю Пачхьалкхан Эрмитажан коьрта экспозици.

1762-чу шарахь гӀишло яр чекхдаьллачул тӀаьхьа 1904-гӀа шо тӀекхаччалц россиян императорийн Ӏаьнан резиденци санна лелош яра.

1904-чу шарахь ӀӀ-чу Николайс даимлера резиденци Паччахьан Юьртара Александровски гӀале дехьаяьккхира.

1915-чу шеран эсаран-беттан (октябран) тӀера 1917-чу шеран лахьанан-батте (ноябран) кхаччалц гӀали чохь паччахь волу Алексей Николаевичан цӀарах госпиталь яра.

1917-чу шеран мангалан-беттан (июлан) тӀера лахьанан-батте кхаччалц гӀалин чохь Ханна йолу мехка урхалла яра.

1920-чу шарахь кхолламан баттахь (январахь) гӀали чохь схьайиллина Карчаман (Революцин) пачхьалкхан музей. 1941-ра шо кхаччалц иза а, Эрмитаж а цхьана гӀишло чохь яра.

Ӏаьнан гӀалано, ГӀалин майдано кхуллу таханлерачу гӀалин хаза архитектурин ансамбль. Россиян а, дуьненаюкъарчу а туризман объекташна юкъахь коьртачех цхьаъ ю.