Aryna Sabalenka
|
C'l artìcul chè 'l è scrit in
Miranduléś |
L’Aryna Sabalenka (Minsk, 5 ad Maǵ dal 1998, Арына Сяргееўна Сабаленка in bielurùs) l'è na tenìsta dla Rùsia Biànca ch'la dróa 'l bras dèst'r e la tira 'l arvèrs a dū maṅ.
Al 2 'd Utóbar dal 2017 l'è dvintàda la nùmar 101 in singulàr.
In dla sò caréra l'à vins sinc turnèo ITF.
Caréra
Dòp avēr sarâ la stagiòṅ 2016 a 'l 155śum pòst dal ranking, la Sabalenka la taca 'l 2017 pruànd a pasàr al qualificasiòṅ a gl'Australian Open sénsa cavàr-'g-la. In d'l ITF ad Shenzhen la riva in finàl ma la la pèrd cóntar l'Ekaterina Aleksandrova. A Wimbledon la và fóra a 'l secónd tùr'n ad òpra dla tedésca Carina Witthöft par 6-7 6-3 3-6, stés quèl anc a Washington in du la pèrd da la Sabine Lisicki dòp avēr batû la Lauren Davis. A Tashkent la riva par la prima vòlta in semifinàl in un turnèo WTA ma la céd par 1-6 4-6 a la Tímea Babos. In Utóbar la riva in finàl a Tientsin (Cina) vinsénd in semifinàl cóntar la Sara Errani par 6-1 6-3 ma pò pardénd da la Marija Šarapova par 5-7 6-7.