Azúcar Moreno

 Miranduléś

C'l artìcul chè 'l è scrit in Miranduléś

«

La luna me embrujó y me llevó hasta ti, veneno del amor que yo feliz bebí y aunque mi pecho ardió y me abrasó la piel, me supo dulce como la miel. Tus ojos bandido robaron con cuentos la sangre y la vida de mi corazón, tu ausencia en mis noches provoca lamentos, suspiros y llantos, y oscura pasión.»

(ES)(Bandido, 1990)

«

La luna la m à stregâ e la m à purtâ da tè, vlèṅ 'd amór ch'a-j-ò bvû luntéra e, anc s al m à bruśâ 'l pèt e la pèl, al gh'iva un savōr dóls cum la mēl. I tò òć da bandî i aṅ rubâ cun dal stòri al sangṿ e la vita dal mè cór, al tò èsar luntàṅ in dal mè nòt la m fà far di lamènt, di suspìr, dal làgarmi, pasiòṅ scura.»

(MUD)

Gl’Azúcar Moreno (Sùcar Négar) 'l è un grup spagnōl furmâ da dū dóni uriginàri ad Badajoz, Toñi e Encarna Salazar, ch'i daśvénan da na famìja ad muśicànt dla regiòṅ dl'Extremadùra, incòst a 'l Purtugàl.

Biugrafìa

Al prim disc fat dal duo 'l è gnû fóra in dal 1984 e al s ciamàva Con la miel en los labios (Cun la mēl in di làbar). In séguit i védan la luś Estimúlame (Par-um sù, 1986) e Carne de melocotón (Carna da pèrśag, 1988).

Al sucès internasiunàl al riva in dal 1990 quand al dū extremadùri i càntan al braṅ Bandido a 'l Eurofestival ad Śagàbria e i finìsan al quint pòst. Da 'd lè in avànti, gl’Azúcar Moreno i faṅ gnir fóra dimóndi àtar disc in dal sò paéś fiṅ tant chè, in dal Nuvémbar dal 2007, i s mòlan parchè l’Encarna Salazar la diś 'd avér un càncar, ma minga sōl par qual lè.

A cal punt lè Toñi e Encarna i cuntìnuan da par lōr a far dla mùśica.

Discugrafìa

Àlbum

• Con la miel en los labios (1984)
• Estimúlame (1986)
• Carne de melocotón (1988)
• Bandido (1990)
• Mambo (1991)
• Ojos negros (1992)
• El amor (1994)
• Esclava de tu piel (1996)
• Olé (1998)
• Amén (2000)
• Únicas (2001)
• Desde el principio (2003)
• Bailando con lola (2006)

Racòlti

• Mucho Azúcar, Grandes éxitos (1997)

Culegamènt estéran

• (ES) Al vìddeo ad Bandido in sal Youtube