Bunìfig
|
C'l artìcul chè 'l è scrit in
Miranduléś |
Al Bunìfig 'l è n'uperasiòṅ ch'a s fà in banca par pasàr di bèsi da 'n cònt curènt a 'n àtar. La pōl èsar fata pagànd na cumisiòṅ o a gràtis, a dipénd dal cundisiòṅ dal cònt curènt.
I bèsi i gh'aṅ da rivàr a destinasiòṅ in dal gir 'd un dè lavuratìṿ da 'l dè ch'a s è dit ad tōr-i via da 'l cònt. Quànd l'uperasiòṅ l'è stada fata, a la tranśasiòṅ a gh vîṅ dâ 'n còdas ciamâ “còdas 'd riferimènt dl'uperasiòṅ” (CRO) ch'al garantìs ch'al bunìfig 'l è stâ fat. Da 'l punt ad vista dla léǵ, al pagamènt al s cunsìdera fat a la data ch'al benefisiàri al ricév i bèsi (valùta dal benefisiàri), minga da la data d'l órdan e gnanc da la data ch'i bèsi i vìnan tirâ via da 'l cònt.
Òcio che s'in dal cònt a n gh'è minga di bèsi abàsta o s'al bunìfig al vîṅ revucâ dòp 'l órdan prima ch'al sia stâ fat dabòṅ da la banca, i suldèṅ pò i n rìvan minga da cl'atra banda!