Inviati molto speciali
|
C'l artìcul chè 'l è scrit in
Miranduléś |
 I Love Trouble
| ||
| Inviati molto speciali | ||
 Nick Nolte e la Julia Roberts in na figùra dal film | ||
| Inviâ dimóndi speciài 1994 | ||
|---|---|---|
| Regìa: Charles Shyer | ||
| Scritōr: Nancy Meyers • Charles Shyer | ||
| Atōr: Nick Nolte • Julia Roberts • Saul Rubinek James Rebhorn • Robert Loggia • Kelly Rutherford | ||
| Müsica: David Newman | ||
| Léngua: Ingléś | ||
| Dürä dal film: 123 minüt | ||
| Nasiōṅ: Stat Unî | ||
Inviati molto speciali (Inviâ dimóndi speciài) 'l è 'n śal rumàntic americàṅ dal 1994 ad Charles Shyer cun prutagunìsta Nick Nolte e la Julia Roberts ch'in dal set i gh'aṅ abû di prubléma a giràr insém[1].
La pelìcula l'è stada bòna 'd far sù dagnóra ssanta-dū migliòṅ ad dòlar a frònt 'd un cóst ad quarànta-sinc. In dal film a s sènt al braṅ ad Lenny Kravitz Are You Gonna Go My Way.
Sunt
Peter Brackett (Nick Nolte) 'l è 'n giurnalìsta famóś dal Chicago Chronicle ch'al scriv anc di lìb'r ad sucès ch'i vànan fòrt specialmènt fra 'l dóni. La Sabrina Peterson (Julia Roberts) l'à tacâ da pôc a lauràr p'r al giurnàł rivàł d'l Illinòis, al Chicago Globe. Na nòt, mént'r i èṅ drē a far la crònaca 'd 'n incidènt in trêṅ dimóndi straṅ in du i èṅ mòrti soquànti parsòni, i s incróś'n a la stasiòṅ e tut dū i s bùt'n a pés mòrt su 'l caś anc parchè i sèntan ch'a gh'è quèl ch'a traśa.
Parsuàś ch'a s sia tratâ 'd 'n atintâ par far fóra 'n insgnànt ch'al viaśàva lè insìma, i decìdan 'd andàr-'g a fónd, prima divìś e pò insém. I rìv'n a la Chess Chemical, n'indùstria di fàrmag ch'l'à brevetâ 'n urmòṅ ciamâ LDF ch'l è bòṅ ad far crésar méj 'l vachi ma ch'al fà vgnir anc al càncar.
Culegamènt estéran
- (EN) La schéda dal film in s'l IMDb
- (IT) La schéda dal film in sal FilmTv
- (IT) La schéda dal film in sal sit dla Cunferénsa Episcupàla
Nòti
- ↑ Al còpi di film che ('l è fàcil) ch'i s òdian 'l un cun c'l atra in dla vita reàla The Telegraph, 5 ad Maǵ dal 2017