Haute-Loire

Haute-Loire
departemento de Francio
Administrado
Lando	Francio
Regiono	Aŭvernjo-Rodano-Alpoj
Numero	43
Prefektejo	Le Puy-en-Velay
Subprefektejoj	Brioude Yssingeaux
Prezidanto de la departementa konsilio	Jean-Pierre Marcon
Prefekto	Éric Maire
Statistikaĵoj
Loĝantaro	227 284 (2021)
Areo	4 977 km²
Loĝdenso	46 /km²
Subdividoj
Arondismentoj	3
Kantonoj	19
Komunumaroj	21
Komunumoj	258

Haute Loire [ot lŭar] (esperante tio signifas "supra Lŭaro"), estas unu el la departementoj de la franca regiono Aŭvernjo-Rodano-Alpoj, situanta meze de Francio. Ĝi ampleksas 4 977 km² kaj havas 226 203 loĝantojn. La ĉefurbo de tiu departemento estas la malgranda urbo Le Puy-en-Velay. La departemento sume enhavas 258 komunumojn.

La departemento, situanta sur la altaj ebenaĵoj de la Centra Montaro (france: Massif Central), estas plejparte rura kaj maldense loĝata. La plej alta punkto de la Haute-Loire estas la monto Mézenc, 1753 metrojn alta.

Agrikulturo, precipe bredado, okupas grandan parton de la ekonomia vivo. Sed tiu sektoro perdas rapide sian signifon, kaj la arbaroj kiuj kovras la teritorion plivastiĝas, anstataŭigante la kampojn.

Industrio ne rolas gravan rolon, kaj estas ĉefe reprezentata de malgrandaj fabrikoj (fabrikado de mebloj, nutraĵoj, teksaĵoj).

Kiel en multaj aliaj ruraj regionoj de Francio, turismo disvolviĝas, interalie "verda turismo": naturaj parkoj, montaro, lagoj (interalie la lago Bouchet), sportaktivadoj, skiado. La departemento havas ankaŭ kelkajn belajn ekzemplojn de sia riĉa historio: monaĥejoj, kasteloj, mezepokaj vilaĝetoj.

Arondismentoj

La departemento dividiĝas al tri arondismentoj:

• arondismento Brioude
• arondismento Le Puy-en-Velay
• arondismento Yssingeaux

Vidu ankaŭ

• Komunumoj de Haute-Loire

Eksteraj ligiloj

• http://www.haute-loire.pref.gouv.fr Arkivigite je 2004-12-03 per la retarkivo Wayback Machine
• http://www.cg43.fr Arkivigite je 2015-03-16 per la retarkivo Wayback Machine
• http://www.zoom43.fr Arkivigite je 2005-11-09 per la retarkivo Wayback Machine
• http://www.bestofhauteloire.com Arkivigite je 2006-02-19 per la retarkivo Wayback Machine