Impulso (fiziko)

Ĉi tiu artikolo temas pri vektora fizika grando. Koncerne aliajn signifojn aliru la apartigilon Impulso.

Je klasika mekaniko, la impulso estas la integralo de forto dum specifa daŭro; alivorte, ĝi estas la neta ŝanĝo de movokvanto.

Difino

Supozu, ke forto ${\vec {F}}(t)$ agas sur korpon je tempo $t$. Do, la impulso dum la daŭro $[t_{1},t_{2}]$ estas la ĉi-suba integralo:

${\vec {I}}=\int _{t_{1}}^{t_{2}}{\vec {F}}(t)$.

Ĉar forto estas vektora, impulso estas ankaŭ vektora.

Ĉar forto estas la ŝanĝrapido de movokvanto ${\vec {p}}(t)$, la impulso estas la diferenco inter la fina movokvanto kaj la komenca movokvanto:

${\vec {I}}={\vec {p}}(t_{2})-{\vec {p}}(t_{1})$.

Mezurunuo

La mezurunuo de impulso en la internacia sistemo de unuoj estas la neŭtono-sekundo (N·s), kiu estas sama kiel la kilogramo-metro en sekundo (kg·m/s); la movokvanto havas la saman internacian mezurunuon, ĉar impulso estas simple la diferenco inter movokvantoj.

Eksteraj ligiloj

• Weisstein, Eric. Impulse (angle). Eric Weisstein’s World of Physics. Wolfram Research.

Vidu ankaŭ

• Movokvanto
• Angula movokvanto