Bururi estas unu de la dek-ok provincoj de Burundo. Laŭ la areo ĝi estas la plej granda provinco en la lando. La provinco limas norde kun Bujumbura Rural, kaj Mwaro, oriente kun Gitega kaj Rutana kaj sude kun Makamba. Okcidente estas la lago de Tanganjiko. Konata estas la ĉefurbo Bururi. La antaŭe dua plej granda urbo de la provinco, Rumonge, kie ankaŭ estas Esperanto-grupo, la 25-an de marto 2015 iĝis la ĉefurbo de tiutage novkreita provinco Rumonge. En la provinco Bururi troviĝas du konataj naturparkoj, Bururi Forest Nature Reserve kaj Kigwena Nature Reserve.
