Agur Etxebesteǃ

Agur Etxebesteǃ
Jatorria
Argitaratze-data	2019
Izenburua	Agur Etxebeste!
Jatorrizko hizkuntza	euskara
Jatorrizko herrialdea	Euskal Herria
Ezaugarriak
Genero artistikoa	film komikoa
Iraupena	90 minutu
Kolorea	koloretakoa
Grabazio lekua(k)	Oiartzun
Zuzendaritza eta gidoia
Zuzendaria(k)	Asier Altuna Telmo Esnal
Gidoigilea(k)	Asier Altuna Telmo Esnal Nagore Aranburu
Antzezlea(k)
Ramon Agirre Elena Irureta Paco Sagarzazu Iban Garate
Ekoizpena
Konpainia ekoizlea	Irusoin
kronologia
←Aupa Etxebeste! Agur Etxebesteǃ

Agur Etxebesteǃ 2019ko euskarazko komedia filma da, 2005eko Aupa Etxebeste! filmaren jarraipena. Asier Altuna eta Telmo Esnalek zuzendua da berriro, eta aurreko filmaren talde teknikoa mantendu da. Irusoin, La Fidèle Production eta Kilima Mediak ekoitzia, 2019ko irailaren 27an iritsi zen zinema aretoetara, irailaren 24an Donostiako Zinemaldian aurre-estreinatu ondoren.

Asier Altuna, Telmo Esnal eta Nagore Aranburuk idatzitako gidoia du, eta lehen filmeko aktore protagonista guztiek parte hartu dute. Era berean, filmak euskal aktore famatu askoren cameoak ditu. Euskal zinemagintzari dagokionez film aitzindaria da, aurreko film batean oinarrituriko lehen jarraipena baita.

Sinopsia

Patrizio Etxebeste (Ramon Agirre) alkatetza uztera behartuta ikusten da “osasun arazoengatik”. Udaleko agintea ez galtzeko asmoz, Maria Luisa (Elena Irureta) bere emaztea herriko lehen emakumezko alkatea izendatzen du. Maria Luisak oso serio helduko dio lan berriari eta udaletxeko funtzionamendua goitik behera aldatuko du, Patriziorekin duen harremana eta etxeko giroa hankaz gora jarriz.

Aktoreak eta pertsonaiak

Elena Iruretaː Maria Luisa Uranga Kerejeta Ramon Agirreː Patrizio Etxebeste Aranburu Iban Garateː Iñaki Etxebeste Uranga Paco Sagarzazuː Luziano Etxebeste Ostolaza Iñake Irastorzaː Axun Ane Gabarainː Sara Aizpea Goenagaː Rita Javier Tolosaː Ernesto Ajuria Zorion Egileorː Alejandro Ajuria Patxi Gonzalezː Exenarro Mikel Laskurainː Jose Javier Xabier Donostiaː Martin Ander Lipusː Bixente Jose Ramon Soroizː Medikua Ane Sanchezː Maite Sara Cozarː Nekane Clara Lopezː June Etxebeste Unax Haydenː Xuban Etxebeste

Martxelo Rubioː Kamareroa Joxe Mari Agirretxeː Tomas Kandido Urangaː Julian Pedro Arizagaː Ttikiya Miren Gojenolaː Jose Javierren emaztea Nagore Aranburuː Idazkaria Iñaki Del Barrioː Ximon Anjel Alkainː Udaltzaina 1 Anartz Zuazuaː Udaltzaina 2 Juan Kruz Izagirreː Joxe Juan Larrañaga Izagirre Egoitz Lasaː ehorztetxeko langilea Alberto Arizagaː Manu iturgina Estibalitz Curielː Erizaina Montse Mostazaː Bizilaguna 1 Loli Astorekaː Bizilaguna 2 Arantza Izetaː Bizilaguna 3 Jon Iraolaː Tabernaria Ainere Tolosaː Garbitzailea

Aktore nagusiak Etxebeste familia osatzen duten lau protagonistak dira, Elena Irureta, Ramon Agirre, Iban Garate eta Paco Sagarzazu. Era berean lehen filmeko aktore sekundari gehienak berreskuratu dituzte, tartean Iñake Irastorza, Patxi Gonzalez, Mikel Laskurain, Ane Sanchez, Martxelo Rubio, Joxe Mari Agirretxe (lehen filmean Luis, oraingoan Tomas), Iñaki Del Barrio, Arantza Izeta, Loli Astoreka, Anjel Alkain eta Anartz Zuazua. Nagore Aranburu, lehen filmean ile-apaintzaile gisa cameo bat izan ondoren, idazkari paperean azaltzen da. Aurpegi berrien artean, halaber, Ane Gabarain, Aizpea Goenaga (lehen filmean haren ama Juani Mendiola azaldu zen), Javier Tolosa, Zorion Egileor, Xabier Donostia, Ander Lipus, Jose Ramon Soroiz, Sara Cozar, Clara Lopez, Unax Hayden, Kandido Uranga (lehen filmean Jose Manuel Goikoetxeak antzeztutako Julianen paperean), Pedro Arizaga eta Miren Gojenola agertzen dira pertsonaia sekundario gisa.

Ekoizpena

Aupa Etxebesteǃ euskarazko film arrakastatsuena izan zen urte luzez, 2017an Handia iritsi zen arte. Ekoizleek hasieratik burutu nahi izan zuten bigarren zatia, eta lehen filmaren grabaketan egin zieten eskaintza zuzendariei, baina Asier Altuna eta Telmo Esnalek uko egin zioten hasieran, beste proiektu batzuk baitzituzten eskuartean. Hamabi urte geroago berriz jaso zuten filma egiteko eskaintza, eta jada lehen filma urrun ikusirik, baiezkoa eman zuten.

Espainiako Zinema eta Ikus-entzunezko Arteen Institutuak (ICCA) 720.000 euroko diru-laguntza esleitu zion 2017an.

Grabaketa 2018ko abuztuaren 27a eta urriaren 5a bitartean gauzatu zen, sei astez. Eszenatoki nagusia Bergara izan zen, baina Gipuzkoako beste herri batzuetatik ere igaro ziren, tartean Irun, Hondarribia, Zarautz, Eibar eta Pasaia. Familiaren etxeko sekuentziak Oiartzungo Zinealdea estudioetan eraikitako platoan grabatu zituzten.

Bitxikeriak

• Maria Luisaren (Elena Irureta) telefonoko dei-tonua Bi eta bat telesaileko sintonia da. Elena Irureta telesaileko protagonistetako bat izan zen Jose Ramon Soroiz eta Ane Gabarainekin batera, eta bi horiek ere agertzen dira filmean.
• Mikel Laskurain eta Miren Gojenola beste behin senar-emazte dira fikzioan, Goenkale telesailean eta Ihesaldia telesail laburrean bezala. Bi aktoreak benetan dira senar-emazteak. Gerora, Etxekoak telesailean ere agertu dira senar-emazte gisa.
• José María Lara eta Juan Kruz Izagirre Larrañaga ekoizleek cameo bana dute. Lehena udaleko zinegotzi bat da, eta bigarrena Joxe Juan Larrañaga Izagirre, ustelkeriagatik kartzelan bukatzen duen Errigoiako alkatea.

Erreferentziak

• Datuak: Q63930041