Côtes-d'Armor

Côtes-d'Armor (22)
Frantziako departamendua
Administrazioa
Estatua	Frantzia
Eskualdea	Bretainia
Prefetura	Saint-Brieuc
Prefeta	Claudy Lebreton (PS)
Azpiprefeturak	Dinan Guingamp Lannion
Barrutiak	4
Kantonamenduak	52
Udalerriak	373
Kokapena
Koordenatuak	48°20′N 2°50′W
Azalera	6.878 km²
Demografia
Biztanleria	605917
Dentsitatea	88.094,940389648 bizt/km²
Kontseilu Orokorraren webgunea

Côtes-d'Armor (bretainieraz Aodoù an Arvor) Bretainia iparraldeko lurraldea da eta Frantziako 22. departamendua.

Eskualde mugakideak hauexek ditu: Finistère mendebaldean, Morbihan hegoaldean eta Ille eta Vilaine ekialdean. Frantsesez gain, bretainiera ere hitz egiten dute bertako biztanle batzuk, Trégor izeneko dialektoa bereziki. 6.878 km²-ko azalera dauka, eta 542.373 biztanle (79 biz./km², 1999).

Prefektura Saint-Brieuc hirian dago, eta beste hiri nagusiak Dinan, Guingamp eta Lannion dira.

Geografia

Mantxako itsasartearen ertzean dago. Armorikako mendialdeak mugatzen du erliebea: altuera apaleko muinoak (Notre-Dame-de-Bel-Air, 341 m) eta kostalde malkartsua, itsasadar estu eta sakonak dituena.

Historia

Frantziako Iraultzaren ondoren eratu zen 1790ko martxoaren 4an Côtes-du-Nord izenarekin (iparraldeko kostaldea) eta 1990an gaur egungo izena hartu zuen aintzinako Armorika berreskuratuz. Gutxi gora behera Bro Dreger eta Bro Sant Brieg lurralde historikoak eta Bro Kernev-en ekialdeko lurrak hartzen ditu.

Politika

Historikoki erlijioak indar handia izan bazuen ere Guingamp hiriaren ingurua komunismoaren gotorleku bihurtu zen eta ikuspegi politiko bien arteko borroka handia dago.

Ekonomia

Nekazari-herrialdea (laboreak eta ardi-azienda) da. Industria bigarren mailakoa da, eta turismoak garrantzi handia hartzen du udan.

Hiri nagusiak

Hona hemen Côtes-d'Armor departamenduko hiri nagusien zerrenda, 2013ko erroldako datuen arabera ordenatua:

1. Saint-Brieuc (hiriburua, 45.331 biztanle)
2. Lannion (19.627 bizt.)
3. Plérin (14.394 bizt.)
4. Lamballe (13.212 bizt.)
5. Ploufragan (11.569 bizt.)
6. Dinan (10.851 bizt.)

Kirolak

Departamenduko kirol talde arrakastatsuena En Avant de Guingamp futbol taldea da. 7.000 biztanleko herri bateko taldea bada ere Frantziako lehen mailan jokatzen du eta bi Kopa irabazi ditu dagoeneko. Saint-Brieuc SC emakumezkoen taldeak Liga eta Kopa bana irabaziak ditu ere.

Ondasun nabarmenak

• 
  Saint-Brieuc hiriko katedrala.
• 
  Lannion.
• 
  Plérin.
• 
  Lamballe.
• 
  Tréguierreko katedrala.
• 
  Dinan.
• 
  Perros-Guirec.
• 
  Guingamp.
• 
  Fort-la-Latte.
• 
  Saint-Brieuc badiako erreserba naturala.
• 
  Fréhel lurmuturra.
• 
  Granito arrosaren kostaldea.
• 
  Ploumanac'h itsasargia.
• 
  En Avant de Guingamp futbol taldearen armarria.

Kanpo estekak

• Eskualdearen prefekturaren webgunea (fr)
• Eskualdearen kontseilu orokorra (fr)

• Datuak: Q3349
• Multimedia: Côtes-d'Armor / Q3349

Erreferentziak

• Artikulu honen edukiaren zati bat Lur hiztegi entziklopedikotik edo Lur entziklopedia tematikotik txertatu zen 2011/12/27 egunean. Egile-eskubideen jabeak, Eusko Jaurlaritzak, hiztegi horiek CC-BY 3.0 lizentziarekin argitaratu ditu, Open Data Euskadi webgunean.