Chūgoku eskualdea

Chūgoku eskualdea
Japonia
Administrazioa
Estatu burujabe	Japonia
Zatiketa	ikusi Tottori, Shimane, Okayama, Hiroshima eta Yamaguchi prefektura
Geografia
Koordenatuak	35°03′00″N 134°04′00″E
Azalera	31.922,26 km²
Mugakideak	Kansai eskualdea
Punturik altuena	Daisen mendia
Demografia
Biztanleria	7.563.428 (2010eko urriaren 1a)
Dentsitatea	236,93 bizt/km²
Ordu eremua	UTC+09:00

Chūgoku eskualdea (japonieraz: 中国地方, Chūgoku-chihō) edo San'in-San'yō eskualdea (japonieraz: 山陰山陽地方, San'in san'yō-chihō) Japoniako Honshu uharteko eskualderik mendebaldekoena da. 2010ean, Japoniako Estatistika Bulegoaren arabera, 7.563.428 pertsona bizi ziren eskualdean.

Hiroshima hiria da Chūgoku eskualdeko hiri nagusia. 1945ean, Bigarren Mundu Gerran, Estatu Batuek jaurti zuten bonba atomiko batek hiria suntsitu zuen, baina berreraikia izan zen, eta gaur egun metropoli industrial garrantzitsu bat da.

Geografia

Chūgoku eskualdeak 31.922,26 km²-ko azalera du, eta 240 bizt./km²-ko dentsitatea. Eskualde mugakide hauek ditu: Kyushu, Shikoku, and Kansai.

Izenaren jatorria

Chūgoku hitzak "erdiko herrialdea" esan nahi du, baina izenaren jatorria ez dago argi. Historikoki, Japonia koku izeneko probintziatan banatuta zegoen, eta bakoitzaren boterearen eta Kansai administrazio-erdigunerainoko distantziaren arabera sailkatuta zeuden. Hala, “hurbileko herrialdeak” (近国 kingoku), “erdiko herrialdeak” (中国 chūgoku), eta “urruneko herrialdeak” (遠国 , ongoku) zeuden. Hala ere, gaur egun Chūgoku eskualdearen barnean dauden antzinako probintzia gehienak ez zeuden sailkatuta erdiko herrialde gisa. Beste azalpen baten arabera, Chūgoku hitzak Kansai eta Kyūshū arteko probintziak izendatzeko erabiliko zen, lurralde hori historikoki garrantzitsua izan baitzen Japoniaren eta Asiako kontinentearen arteko lotune gisa.

Banaketa administratiboa

Prefetura hauek osatzen dute eskualdea:

Prefetura	Populazioa	Azalera (km²)	Hiriburua	Populazioa
Hiroshima	2.857.990	8.479,05	Hiroshima	1.184.208
Okayama	1.940.411	7.112,32	Okayama	705.224
Shimane	712.336	6.707,95	Matsue	191.852
Tottori	584.982	3.507,19	Tottori	196.353
Yamaguchi	1.445.702	6.110,94	Yamaguchi	198.971

Ondasun nabarmenak

Gizateriaren Ondareak

• 
  Hiroshimako Bakearen Memoriala (Genbaku Dome).
• 
  Itsukushima santutegia.
• 
  Iwami Ginzan-go zilar meategiak.

Gaztelu eta jauregiak

• 
  Bitchū Matsuyama gaztelua.
• 
  Fukuyamako gaztelua.
• 
  Hiroshimako gaztelua.
• 
  Ishitani jauregia.
• 
  Jinpūkaku jauregia.
• 
  Matsue gaztelua.
• 
  Okayamako gaztelua.

Tenplu eta santutegiak

• 
  Akama santutegia.
• 
  Daishō-in.
• 
  Izumo-taisha santutegia.
• 
  Kōzan-ji.
• 
  Sanbutsu-ji.

Museoak

• 
  Hiroshimako Bakearen Memorialaren Museoa.

Natura

• 
  Daisen mendia (Daisen-Oki Parke Nazionala).
• 
  Itsukushima uhartea (Miyajima).
• 
  Maki-do leizea.
• 
  Nakaumi aintzira.
• 
  Shinji aintzira.
• 
  Tottoriko dunak.
• 
  Kanmon itsasartea.

Besterik

• 
  Hiroshimako Bakearen Memorialaren parkea.
• 
  Kanmonkyo zubia.
• 
  Kintai zubia.
• 
  Kōraku-en lorategiak.
• 
  Setoko zubi handia.

Kanpo estekak

• Datuak: Q127864
• Multimedia: Chūgoku region / Q127864