Roland Petit

Roland Petit
(2009) Irudi gehiago
Bizitza
Jaiotzako izen-deiturak	Roland Jean Petit
Jaiotza	Villemomble, 1924ko urtarrilaren 13a
Herrialdea	Frantzia
Heriotza	Geneva, 2011ko uztailaren 10a (87 urte)
Hobiratze lekua	Montparnasseko hilerria
Heriotza modua	berezko heriotza: leuzemia
Familia
Ama	Rose Repetto
Ezkontidea(k)	Zizi Jeanmaire  (1954 -  2011)
Hezkuntza
Heziketa	Paris Opera Ballet (en)
Hizkuntzak	frantsesa
Jarduerak
Jarduerak	koreografoa, dantzaria, ballet-irakaslea, ballet dantzaria eta gidoilaria
Jasotako sariak	ikusi Arte eta letren komendadorea  (1998) Ohorezko Legioko zalduna National Order of Merit State Prize of the Russian Federation
Kidetza	Ballets de Paris
roland-petit.fr

Roland Petit (Villemomble, 1924ko urtarrilaren 13a - Geneva, 2011ko uztailaren 10a) frantses dantzaria eta koreografoa izan zen.

Parisko Operako ballet-eskolan ikasi zuen dantzan, eta hango taldean sartu zen 1940an. 1944an, ordea, taldea utzi zuen, eta Les Ballets des Champs-Elysées konpainia sortu zuen 1945ean, non dantzari nagusi, ballet-maisu eta koreografo izan baitzen 1947ra arte. 1948an, Ballets de Paris taldea sortu zuen, eta Europa osoan eta Estatu Batuetan zehar ibili zen. Geroago, Parisko Operako balletaren zuzendari izan zen (1970), Parisko Kasinokoa (1970) eta Marseillako Balletekoa (1972). Petiten koreografia-lanek akrobazia zailak izaten dituzte, eta antzerkiaz, mimo-dantzaz eta kantuaz aberastuak izaten dira. Eguneroko tresnak ere erabiltzen ditu, zigarroak eta telefonoak, adibidez. Petiten koreografia-lan aipagarriak dira: Carmen (1949), Diamante-jalea (1950), Bergeraceko Cyrano (1959), Parisko Notre-Dame (1965), Turangalila (1968), Peleas eta Melisande (1969), Piztu izarrak (1972), Arrosa ondoezik (1973), Coppélia (1975, bertsio berria), Operako Mamua (1980) eta Sorkuntza-bideak (2004).

Erreferentziak

• Artikulu honen edukiaren zati bat Lur hiztegi entziklopedikotik edo Lur entziklopedia tematikotik txertatu zen 2011/12/27 egunean. Egile-eskubideen jabeak, Eusko Jaurlaritzak, hiztegi horiek CC-BY 3.0 lizentziarekin argitaratu ditu, Open Data Euskadi webgunean.

Kanpo estekak

• (Frantsesez) Roland Petiten web-orria

• Datuak: Q367396
• Multimedia: Roland Petit / Q367396