Sena

Sena
Datu orokorrak
Mota	Ibai nagusi
Luzera	776,67 km
Geografia
Koordenatuak	49°26′05″N 0°07′03″E
Estatu burujabe	Frantzia
Frantziaren banaketa administratiboa	Metropolitar Frantzia
Eskualdea	Normandia
Hidrografia
Ibaiadarrak	ikusi Yonne (ibaia) Oise Loing (en) École Andelle (en) Essonne (en) Aube (en) Arce (en) Ardusson (en) Laigne (en) Auxence (en) Barse (en) Bièvre (en) Orge (en) Risle (en) Epte (en) Cailly (en) Voulzie (en) Melda (en) Hozain (en) Yerres (en) Vaucouleurs (en) Ource (en) Mauldre (en) Orvin (en) Sarce (en) Almont (en) Aubette (en) Aubette de Meulan (en) Austreberthe (en) Brévon (en) Châtelet (en) Commerce (en) Source de la Douix (en) Faverolle (en) Lézarde (en) Mare aux Evées (en) Noxe (en) Oison (en) Resson (en) Revinson (en) Robec (en) Ru d'Orgeval (en) Ru de Marivel (en) Ru de Buzot (en) Sainte-Gertrude (en) Vallée Javot (en) Vieille Mer (en) Telhuet (en) Q21619268 Gambon (en) ru du canal (en) Morelle (en) Q48636271 Eure (en) Marne
Arroaren azalera	78.650 km²
Arro hidrografikoa	Seine basin (en)
Ur-emaria	500 m³/s
Iturburua	source of the Seine River (en) (446 m)
Bokalea ()	Mantxako kanala (Le Havre)

Sena (frantsesez: La Seine) iparraldeko Frantziako ibaia da, herrialdeko garrantzitsuenetakoa, sal-erosketarako ubide historikoa baita. Paris hirian, batez ere, turismo erakarle ona ere bada. Herrialdeko bigarren ibairik luzeena da, Loiraren ondoren. 776 km luze da eta 78.650 km²ko ibai arroa hartzen du.

Geografia

Sena ibaia eta Eiffel dorrea, Paris

Sena La Défensetik hurbil, Paris

Burgundian du iturburua, Tasselot mendian, 446 metroko garaieran, Source-Seine izeneko herri txikian, Côte-d'Or departamenduan. Ipar-ekialdera egiten du Aube ibaiarekin bat egiten duen arte. Handik Ile-de-Franceko eskualdean barneratzen da. Montereau hirian Yonne ibaiaren ura jasotzen du eta ipar-mendebaldera egiten du. Parisen sartu ondoren Marne ibaiarekin bat egiten du, eta Frantziako hiriburua igarotzen du zubi ikusgarrien azpitik. Ondoren Oise ibaiaren ura bildu eta ipar-mendebaldera egiten du, bihurgune handiekin. Rouen hiritik (Normandia) igaro ondoren, 25 kilometroko delta zabala eratu eta Le Havretik gertu Mantxako kanalean itsasoratzen da.

Sortaldetik sartaldera, honako departamendu hauek zeharkatzen ditu: Côte-d'Or, Aube, Marne, Sena eta Marne, Essonne, Marne Harana, Paris, Senako Gainak, Sena Saint-Denis, Val-d'Oise, Yvelines, Eure, Itsas Sena eta Calvados.

Ontziz ibil daiteke; Frantziako itsas joan-etorriaren heren bat ibai horretatik egiten da. Paris, Le Havre eta Rouengoak dira portu nagusiak. Rodano, Rhin eta Loira ibaiekin ubideen bidez lotua dago.

Ibaiadarrak

• Aube (Es) - 248 km
• Yonne (Ez) - 293 km
• Loing (Ez) - 166 km
• Essonne (Ez) - 90 km
• Orge (Ez) - 50 km
• Marne (Es) - 525 km
• Oise (Es) - 302 km
• Epte (Es) - 100 km
• Andelle (Es) - 54 km
• Eure (Ez) - 225 km
• Risle (Ez) - 140 km. Senaren ibai-ahora eramaten du ura.

(Oharra: Es=Eskuinetik Ez=Ezkerretik)

Senaren ibaiadar nagusien arroak:

Hiriak

Zeharkatzen dituen hiri nagusiak hauek dira:

• Troyes (Aube),
• Melun (Sena eta Marne)
• Paris
• Rouen

Uharteak

• Île de la Cité (Paris)
• Île Saint-Louis (Paris)

Hidrometria

Senaren emaria 1975-2010 bitartean neurtua izan da Poissyko estazioan (Île-de-France). Gune horretan, drainatutako eremuak 61.820 km² ditu, arro osoaren % 78,6. Batez besteko emaria 483 m³/s da. Emari handiena otsailean du (811 m³/s), eta txikiena abuztuan (250 m³/s).

Senaren batez besteko emariak (m³/s) Poissyn neurtuak
Datuak: 1975-2010 bitartean

Erreferentziak

• Artikulu honen edukiaren zati bat Lur hiztegi entziklopedikotik edo Lur entziklopedia tematikotik txertatu zen 2015/05/28 egunean. Egile-eskubideen jabeak, Eusko Jaurlaritzak, hiztegi horiek CC-BY 3.0 lizentziarekin argitaratu ditu, Open Data Euskadi webgunean.

Kanpo estekak

• Datuak: Q1471
• Multimedia: Seine River / Q1471