Pill

Vallayer-Costeri Anne maal "Muusigariistaq", 1770. S'oo maali pääl ommaq mitmõq prantsusõ barokiaigsõq pilliq: passun, flüüt, toropill, viiol ja lauto.

Pill vai muusigariist vai muusigainstrument om riist, minga saa mängi muusikat. Inemine, kiä mõist häste pilli mängi, om pillimiis.

Ku pilli helü tekküs puhkmisõ läbi, sõs kutsutas tuud puhkpillis, ku hellü tegeväq keeleq, sõs om tuu kiilpill, ku helü tekütämises piät midägi lüümä, sõs om tuu lüükpill. Vahtsõmbal aol om tett ka pille, miä tekütäseq hellü elektroonilidsõlt.