Jacob Alberts
 Tekst ap Haliifreesk
|
Jacob Alberts (* 30. Juuniii 1860 öön Wästerheewer; † 7. Noowämber 1941 öön Malente-Gremsmühlen) waos en maoler. Hii laawed foon 1880 to 1882 öön Düsseldorf as Peter Janssen (de Aoler) san skööler än dän öön München as Wilhelm Diez san skööler. Dän giang hii to Ungarn, wir hii portreete maoled än dän to Florens, wir hii köört tid öön Francesco Vinea sin ateljee weerked. Arken wonter foon 1886 to 1890 giang hii to dat Académie Julian öön Pariis än wud dir foon Jules-Joseph Lefebvre än Benjamin Constant onerrochted. 1890 trok hii to Berliin am än fjauer iirnge läär num en baontje as sköölmääster öön't skööl foon konstlerine öön. Eewer 1900 ferbroocht hii arken somer öön e Haliie än maoled et löönskap än e mänskene dir. Sun eerlikhaid än woorm feelen tiaknet sin bile ut.
Hi waos fir köört tid mä ian foon e doochterne foon e filosoof Friedrich Paulsen befraid.