Politische Expositur
Lis Politische Exposituren (sing. Politische Expositur - dispès a si dopre ancje dome il sostantîf Expositur cul relatîf plurâl) a son in Austrie comuns (tod. Gemeinden) formalmentri indipendents, i compits aministratîfs dai cuâi a vegnin in part cjapâts su di un altri comun, di solit vicin. Chescj compits a consistin in chei dal nivel aministratîf imediatamentri plui alt, ven a stai chel di distret (tod. Bezirk). Dit intune altre maniere, a si podaressin definî come "filiâls" de istituzion distretuâl.
Ancje se la peraule e à une clare derivazion latine, al è dificil voltâle par furlan, parcè cheste istituzion politiche e je tipiche dome de aree austriache e bavarese.
Ubicazion e storie
[cambie | modifiche il codiç]In Austrie a son dome dôs Politische Exposituren, logadis dutis dôs tal distret di Liezen, in Stirie/Staiar:
Tal periodi di costituzion dalies areis distretualis a jerin une vore di Exposituren; dut câs in dì di vuê a son dutis distrets indipendents, infûr di chês di Bad Aussee e di Gröbming (Gröbming e je stade dal 1873 al 1938 cjâflûc di un distret ch'al veve Bad Aussee come Politische Expositur)
Aree di ativitât
[cambie | modifiche il codiç]Lis Politische Exposituren abadin a lis stessis ativitâts di un distret. Il dirigjent a si clame Expositurleiter (ch'al podares jessi voltât par furlan come "dirigjent de Expositur") e al à, tale aree de Expositur, lis stessis funzions di un cjâf distretuâl.
Sfere di competence
[cambie | modifiche il codiç]Une Politische Expositur e je - dit a stroz - un distret tal distret. La Expositur e à esatamentri come un distret une sfere di competence precisamentri delimitade (comuns - tod. Gemeinden): pai abitants e je pont di inviament par dutis lis esigencis a nivel di distret.
Particularitât dal distret di Liezen
[cambie | modifiche il codiç]Il distret di Liezen al à dentri de aree austriache une posizion particolâr, cun trê unitâts aministrativis:
- Bad Aussee (BA)
- Gröbming (GB)
- Liezen (LI).