Quintana Roo

Quintana Roo
Bratach
Ainmnithe in ómós	Andrés Quintana Roo
Suíomh
19° 36′ N, 87° 55′ O
Stát ceannasach	Meicsiceo
Príomhchathair	Chetumal
Daonra
Iomlán	1,857,985 (2020)
• Dlús	41.56 hab./km²
Tíreolaíocht
Achar dromchla	44,705 km²
Airde	31 m
Ar theorainn le	Campeche Corozal District (en) Orange Walk District (en) Yucatán
Sonraí stairiúla
Cruthú	8 Deireadh Fómhair 1974
Eagraíocht pholaitiúil
Comhlacht reachtach	Comhdháil Quintana Roo
Aitheantóir tuairisciúil
Cód poist	77
Lonnaithe i gcrios ama	UTC−05:00
Cód ISO 3166-2	MX-ROO
Eile
Suíomh gréasáin	qroo.gob.mx

Is ceann de na 31 stát de chuid Mheicsiceo é Quintana Roo, agus é suite in oirdheisceart na tíre. Is é Chetumal an phríomhchathair agus is é Cancún an chathair is mó. Bhí

Quintana Roo

1,468,469 duine ina gcónaí sa stát sa bhliain 2012.

Stair

Le linn réimeas na Spáinneach agus luathstair Phoblacht Mheicsiceo, ba chuid de Yucatán é Quintana Roo ó thaobh rialtais de. Ní raibh ach roinnt mílte duine ina gcónaí ann go dtí am éigin san 20ú haois. D'éirigh na Máighigh, na bundúchasaigh, amach sna 1840idí—Cogadh na gCaisleán a tugadh air—agus i ndiaidh díbirt a dhéanamh ar na strainséirí uilig, cuireadh stát dá gcuid féina ar bun darbh ainm Chan Santa Cruz agus an baile Felipe Carrillo Puerto mar phríomhchathair de chineál acu.

Fothracha Indiacha Tulum

D'fhógair an t-uachtarán Porfirio Díaz go raibh Quintana Roo ina chríoch de chuid Mheicsiceo ar an 24ú Samhain 1902. Ainmníodh an chríoch i ndiaidh Andrés Quintana Roo, tírghráthóir i luathstair Mheicsiceo. Ghlac arm Mheicsiceo seilbh ar Quintana Roo arís sna 1910idí agus cuireadh an áit isteach i stát Yucatán arís.

Thosaigh an daonra ag fás sna 1940idí, agus ar an 8ú Deireadh Fómhair 1974, rinneadh stát ar leith de. Fágann sin gurb é Quintana Roo an stát is nua de chuid Mheicsiceo. Tháinig fás agus forbairt an-mhór ina dhiaidh sin a leanann go dtí an lá inniu.

Geilleagar

Is í an turasóireacht bunchloch na heacnamaíochta in Quintana Roo. Cancún an baile saoire is mó sa stát. Tarraingíonn fothracha Indiacha, an aeráid, na tránna agus an dúlra fairsing na turasóirí ina sluaite ann.