Hezbolá

Hezbolá, Hizbulá, Hesbulá, Hezbollah ou Hizb Allāh, (en árabe ‮حزب الله‬, que significa "Partido de Deus"), é un grupo islamista libanés que ten un brazo civil e un brazo militar. Fundouse en 1982 como resistencia á invasión israelí do sur do Líbano. O máximo líder de Hezbolá foi Hassan Nasralah até ser asasinado polos bombardeos israelís sobre Beirut en setembro de 2024.

Hezbolá
Tipo	partido político, organización armada, organización terrorista e ator não estatal
Ideoloxía	Islamismo, antissionismo, antiimperialismo, nacionalismo árabe, Khomeinism, Antisemitismo, Sentimento antiocidental e Pan-islamismo
Data de fundación	anos 1980
Fundador(es)	Mohammad Hussein Fadlallah, Ali Akbar Mohtashamipur e Imad Mughniyah
Nomeado en referencia a	Ḥizb Allāh
Secretario/a	Hassan Nasrallah e Naim Qassem
Eventos/Actividades	Majdal Shams attack
Sede	Beirut
País	Líbano
Na rede
https://www.moqawama.org.lb
[ editar datos en Wikidata ]

Historia

Hezbolá é considerado por gran parte do mundo árabe e musulmán como un lexítimo movemento de resistencia. No Líbano é un partido político legal que incluso chegou a formar parte do goberno. Porén, a causa dos seus ataques militares a Israel e das súas relacións políticas e ideolóxicas con outras organizacións, coma Hamas ou o Xihad Islámico, os Estados Unidos considérano unha organización terrorista. A Unión Europea, porén, ten por terrorista unicamente a súa parte militar.

Hezbolá é, a canda Amal, a principal expresión política da comunidade xiíta libanesa, o grupo máis importante dun país cunha extraordinaria diversidade relixiosa.

Fundada grazas ao apoio de Irán, Hezbolá segue a ideoloxía islamita que preconizaba o aiatolá Ghomeini, líder da Revolución Islámica iraniana. O obxectivo de Hezbolá é a implantación dun estado islámico no Líbano, malia que admiten que só se podería implantar co consenso da poboación libanesa. Ademais do seu brazo armado, o movemento conta cunha infraestrutura civil que, de xeito semellante ao palestino Hamas, prové a poboación de servizos sociais, sanitarios e educativos. A súa campaña de reconstrución Xihad al-Bina realizou diversos proxectos de desenvolvemento económico e de infraestruturas nas áreas do Líbano con maioría de poboación xiíta. Na actualidade Hezbolá ten oito deputados no parlamento libanés, e forma parte do goberno de coalición.

Existen importantes vencellos entre Hezbolá e o goberno de Siria. Por conseguinte, Hezbolá oponse á evacuación das tropas de ocupación sirias despregadas no Líbano, e que están en proceso de retirada como consecuencia da denominada Revolución do cedro. Non recoñece a existencia do estado de Israel, e a súa retórica expresa o desexo de destruílo. En 2000, Hezbolá debeu de disolverse logo da retirada de Israel do sur do Líbano, pero seguiu operando e atacando con mísiles o territorio israelí.

En xullo de 2006 dous soldados das forzas armadas israelís despregadas nos Altos do Golán, zona fronteiriza entre Israel, Xordania, Líbano e Siria foron secuestrados. A acción foi reivindicada por Hezbolá, o que levou á maior intensidade de violencia na zona dende a operación Paz de Galilea, en 1982. As tropas israelís bombardearon Beirut e diversas infraestruturas do Líbano, bloquearon as dúas vías de transporte por terra, mar e aire, e provocou numerosos mortos. Un ataque de Hezbolá con mísiles catiuxa sobre a cidade de Haifa provocou a morte de oito civís israelís.

Notas

Véxase tamén Modelo:Commmonscat

  Conflito árabe-israelí