Sigrid Undset

Sigrid Undset, nada en Kalundborg (Dinamarca) o 20 de maio de 1882 e finada en Lillehammer o 10 de xuño de 1949, foi unha escritora norueguesa.

Sigrid Undset

Biografía
Nacemento	20 de maio de 1882 Kalundborg (Dinamarca)
Morte	10 de xuño de 1949 (67 anos) Lillehammer (Noruega)
Lugar de sepultura	Mesnali Churchyard (en)
Relixión	Catolicismo
Educación	Fru Ragna Nielsens skole (en)
Actividade
Campo de traballo	Haxiografía
Lugar de traballo	Nova York (1941–1945)
Ocupación	novelista, guionista, prosista, escritora, tradutora, poetisa
Período de actividade	1907 - 1949
Membro de	Sociedade Real de Letras e Ciencias de Noruega Sociedade Geográfica Americana (pt)
Xénero artístico	Novela histórica
Orde relixiosa	Orde dos Predicadores
Obra
Obras destacables (1911) Jenny (romance) (pt) (1920) Kristin Lavransdatter (pt) (1925) The Master of Hestviken (en)
Familia
Cónxuxe	Anders Svarstad (1912–1927)
Pais	Ingvald Undset   e Charlotte Undset
Cronoloxía
novembro de 1924	Conversión
Premios
(1928)  Premio Nobel de Literatura  Gran Cruz da Orde de San Olaf  Ordem do Falcão (pt)
Descrito pola fonte	Grande Enciclopedia Soviética 1969-1978, (sec:Унсет Сигрид) Store norske leksikon (pt) Norsk biografisk leksikon (pt)

Biografía

Filla de Ingvald Undset, arqueólogo de renome internacional especializado na Idade de Ferro en Europa, naceu en Dinamarca, pero a súa familia trasladouse a Noruega cando ela contaba con dous anos. Realizou os seus estudos en Oslo, pero non puido ir á universidade a causa da morte do seu pai. Traballou como secretaria nunha importante empresa de enxeñaría cando contaba con dezaseis anos.

As súas primeiras novelas foron Fru Marta Oulie (1907), Jenny (1911) e Vaaren (1914), nas que escribe en contra dos defensores do «amor libre». Incrementou e consolidou a súa fama con De kloge jomfruer (1918) e o ensaio Et kvindesynspunk (1919).

As súas obras máis coñecidas son Kristin Lavransdatter (1920-1922) e Olav Audunssön (1925-1927), nas que trata o permanente conflito entre o amor terreal e o divino.

Converteuse ao catolicismo en 1924, experiencia que narrou en Gymnadenia (1929) e en Den brændende busk (1930). Profesou na Terceira Orde da Penitencia de Predicadores como Dominica segrar. En 1940 trasladouse aos Estados Unidos, a causa da súa oposición á Alemaña nazi e a ocupación alemá de Noruega, onde participou activamente en movementos de loita contra os nazis. Volveu a Noruega en 1945, tras a finalización da segunda guerra mundial.

Outras obras que cabe destacar son as novelas Den trofaste hustru (1936) e Madame Dorothea (1939), a súa autobiografía, Elleve aar (1934) e a súa famosa biografía sobre Catarina de Siena (1951).

Foi galardoada en 1928 co premio Nobel de Literatura.

Obra publicada

• 1907: Fru Marta Oulie
• 1908: Den lykkelige alder
• 1909: Viga-Ljot og Vigdis
• 1910: Ungdom
• 1911: Jenny
• 1912: Fattige skjebner
• 1914: Vaaren
• 1915: Fortællinger om kong Artur og ridderne av det runde bord
• 1917: Splinten av troldspeilet
• 1917: Tre søstre, ensaio
• 1918: De kloge jomfruer
• 1919: Et kvindesynspunkt, ensaio
• 1920-1922: Kristin Lavransdatter
  • 1920: Kransen
  • 1921: Husfrue
  • 1922: Korset

• 1921: Vårskyer
• 1925: Sankt Halvards liv, død og jærtegn
• 1925: Olav Audunssøn i Hestviken
• 1927: Olav Audunssøn og hans barn
• 1927: Katholsk propaganda, ensaio
• 1929: Gymnadenia
• 1929: Etapper, ensaio
• 1930: Den brændende busk
• 1930: Hellig Olav, Norges konge, ensaio
• 1932: Ida Elisabeth
• 1933: Etapper. Ny række, ensaio
• 1933: To europeiske helgener
• 1934: Elleve aar
• 1936: Den trofaste hustru
• 1937: Norske helgener
• 1938: Selvportretter og landskapsbileder
• 1939: Madame Dorthea

Véxase tamén

Ligazóns externas

• Autobiografía (en inglés)
• Biografía de Sigrid Undset, en Biografías y Vidas (en castelán)