Abdullah Abdullah
 (2014)  | |
| Nome orixinal | (ps) عبدالله عبدالله |
|---|---|
| Biografía | |
| Nacemento | 5 de setembro de 1960 (64 anos) Cabul, Afganistán |
| Xefe Executivo de Afganistán | |
| 29 de setembro de 2014 – 15 de agosto de 2021 ← Abdul Kabir (pt)  – Abdul Ghani Baradar → | |
| Minister of Foreign Affairs of Afghanistan (en) | |
| 22 de decembro de 2001 – 21 de marzo de 2006 – Rangin Dadfar Spanta (pt) → | |
| Datos persoais | |
| Relixión | Islam |
| Educación | Kabul University of Medical Sciences (en) Universidade de Cabul (pt) |
| Actividade | |
| Ocupación | político, oftalmólogo, diplomático |
| Partido político | National Coalition of Afghanistan (en) |
| Participou en | |
| 22 de xaneiro de 2019 | Encontro Anual do Foro Económico Mundial de 2019 |
| 20 de xaneiro de 2016 | Encontro Anual do Foro Económico Mundial de 2016 |
    | |
Abdullah Abdullah, nado o 5 de setembro de 1960, é un médico e político afgán, é o actual Xefe Executivo de Afganistán dende o 29 de setembro de 2014. Foi ministro de Asuntos Exteriores de Afganistán entre o 22 de decembro de 2001 e o 21 de marzo de 2006, sendo substituído no cargo por Rangin Dadfar Spanta.[1] Como moitos afgáns, utiliza soamente un nome, aínda que se refiren a el en moitas ocasións como Abdullah Abdullah.[2]
Traxectoria
[editar | editar a fonte]Estudou oftalmoloxía no Departamento de Medicina da Universidade de Cabul, licenciándose en 1983 e traballando posteriormente na cidade até 1985. Máis tarde colaborou cos refuxiados afgáns en Paquistán, onde entrou en contacto cos muxahidin.[3] O doutor Abdullah uniuse á fronte de Resistencia de Panjshir, e en 1986 converteuse no conselleiro de Ahmed Shah Massoud, un líder fundamentalista.[3]
Abdullah foi Ministro de Exteriores do goberno da Fronte Unida Afgán dende 1998. Tralo asasinato de Massoud en 2001 pasou a ser unha das tres figuras máis importantes da Alianza do Norte e posteriormente do Goberno Transicional Afgán xunto ós ministros anteriores Mohammed Fahim e Yunus Qanuni, sendo os tres considerados os líderes da facción de etnia taxica, aínda que a nai de Abdullah é de etnia paxta.[3] Ocupou o cargo de Ministro de Asuntos Exteriores dende 2001 até o 21 de marzo de 2006. Foi dos poucos ministros pertencentes á Alianza do Norte que non perderon a súa carteira tralas eleccións presidenciais de 2004.[3] En agosto de 2009 presentouse como independente ás eleccións presidenciais como principal rival de Hamid Karzai segundo varias enquisas e analistas políticos.[4] Na primeira volta das eleccións celebradas o 20 de agosto obtivo un 30,59% dos votos, o segundo mellor resultado detrás do Karzai. Porén, as eleccións estiveron salpicadas de múltiples escándalos de fraude e manipulación electoral en favor de Karzai provocando críticas contra el, a Comisión Electoral e as organizacións internacionais responsables de vixiar a transparencia. Abdullah, afirmando que as condicións nas que ía celebrarse a segunda volta fixada para o seguinte 7 de novembro serían semellantes, anunciou a súa retirada das eleccións; o que se traduciu ó día seguinte na confirmación de Karzai como vencedor e presidente de Afganistán para os seguintes 5 anos.[5][6]
Volveu presentarse como candidato para as eleccións presidenciais de 2014. As sondaxes preelectorais sitúarono como uns dos principais favoritos.[7]
Notas
[editar | editar a fonte]- ↑ "Afghan foreign minister loses job". BBC News.
- ↑ "Abdullah? Or Abdullah Abdullah?". Slate.com. Arquivado dende o orixinal o 23 de xullo de 2018. Consultado o 11 de febreiro de 2019.
- ↑ 3,0 3,1 3,2 3,3 "Profile: Abdullah Abdullah". BBC News.
- ↑ [Ligazón morta]
- ↑ Mayte Carrasco. "Abdullah no se presentará a la segunda vuelta en Afganistán". Público.
- ↑ "Karzai, declarado presidente electo de Afganistán". Público/Agencias.
- ↑ Matthew Rosenberg. "Polling Comes to Afghanistan, Suggesting Limit to Sway of President Karzai". The New York Times.
