Bandeira de Daguestán

Bandeira de Daguestán
Características
Uso	...
Proporción	2:3
Adopción	26 de febreiro de 1994 (orixinal) 19 de novembro de 2003 (modificada)
Cores	Verde      Vermello      Azul

A bandeira de Daguestán (en ruso: Флаг Дагестана; en ávaro: Дагъистаналъул байрахъ; en azerí: Dağıstan bayrağı) é un dos símbolos da república federal rusa de Daguestán. Foi adaptada despois da transformación da RASS de Dagestán na república actual dentro da federación rusa. Foi oficialmente adoptada o 26 de febreiro de 1994. Componse de tres franxas horizontais de cor ver (polo islam), azul (polo mar Caspio), e vermello (pola coraxe e fidelidade). O 19 de novembro de 2003 a proporción da bandeira foi cambiada dende a orixinal 1:2 a 2:3, e a franxa da metade de azul claro a azul escuro.

Esquema de cores

O esquema de cores oficiais foi declarado o 19 de novembro de 2003.

Esquema de cores	Verde	Azul	Vermello
CMYK	100-0-50-42	100-66-0-35	0-80-86-16
HEX	#009349	#0039A6	#D52B1E
RGB	0-147-73	0-57-166	213-43-30

Bandeiras históricas

Despois da formación da República Autónoma Socialista Soviética de Daguestán, a partir da República Montañosa do Cáucaso Norte en 1921, Daguestán tivo varias bandeiras seguindo o modelo das outras Repúblicas Autónomas, primeiro como bandeiras vermellas coas iniciais da república (é dicir, "ДАССР") e despois unha bandeira da república co mesmo nome. Coa caída da Unión Soviética, Daguestán deixou caer o А (para Автономная, "autónomo") da súa bandeira e a inscrición rezaba simplemente "ДССР". Unha bandeira con franxas horizontais azuis e amarelas puido usarse brevemente en 1993 e 1994 ata que se adoptou unha variación do tricolor horizontal actual en 1994.

• 
  Bandeira do Imanato do Cáucaso no século XIX (Imanato de Daguestán).
• 
  Bandeira da República Montañosa do Cáucaso Norte, 1917–1920.
• 
  Bandeira da República Autónoma Socialista Soviética de Daguestán (1925–1927).
• 
  Bandeira da RASS de Daguestán (1927–1954).
• 
  Bandeira da RASS de Daguestán (1954–1991).
• 
  Bandeira da RSS de Daguestán (1991) e da República de Daguestán (1991–1994).
• 
  Bandeira da República de Daguestán (1994–2003).

Outras bandeiras

Varios pobos de Daguestán idearon as súas propias bandeiras étnicas:

• 
  Bandeira do pobo ávaro de Daguestán.
• 
  Bandeira do pobo agul de Daguestán.
• 
  Bandeira do pobo cumuco de Daguestán.
• 
  Bandeira do pobo lak de Daguestán.
• 
  Bandeira do pobo nogai de Daguestán.
• 
  Bandeira do pobo lezguio de Daguestán.
• 
  Bandeira do pobo rutul de Daguestán.
• 
  Bandeira do pobo tabasaran de Daguestán.

Véxase tamén

Ligazóns externas

• Bandeira de Daguestán en Flags of the World (en inglés)