Belisario
  | |
| Nome orixinal | (el) Φλάβιος Βελισάριος (la) Flavius Belisarius |
|---|---|
| Biografía | |
| Nacemento | c. 505 Sapareva Banya (Imperio Bizantino) |
| Morte | c. marzo de 565 (59/60 anos) Calcedônia (Imperio Bizantino) |
| Senador romano | |
| Magister militum | |
| Estratego | |
 Cónsul romano | |
| | |
| Actividade | |
| Ocupación | político, oficial, militar |
| Período de tempo | Antigüidade tardía |
| Carreira militar | |
| Rama militar | Exército bizantino |
| Rango militar | Magister militum |
| Conflito | Guerra Ibérica (pt)  Guerra Vándala Guerra gótica Revolta de Nika (pt) |
| Familia | |
| Cónxuxe | Antonina |
| Descrito pola fonte | Grande Enciclopedia Soviética (1926—1947) Dicionario Enciclopédico Brockhaus e Efron Paulys Realenzyklopädie der klassischen Altertumswissenschaft |
 | |
Belisario, nado cara o 505 e finado en marzo de 565, foi un dos xenerais máis destacados da historia de Bizancio e o principal protagonista militar da expansión que, durante o reinado de Xustiniano I, experimentou o Imperio Bizantino sobre o Mediterráneo occidental, por encima doutras importantes figuras como o xeneral Narsés.
Traxectoria
[editar | editar a fonte]Os seus primeiros éxitos bélicos viñeron na guerra contra os persas (aos que forzou a asinar unha "Paz Eterna" logo de décadas de guerra en Oriente Próximo) e ao sufocar unha sublevación en Constantinopla que ameazaba con derrocar ao emperador Xustiniano, entre os anos 530 e 532. A continuación, ao mando de 15 000 homes, conquistou o reino vándalo de África do norte e apreixou ao seu último rei, Xelimero. Desde o norte de África tomou Sicilia e pasou a Italia, núcleo do reino ostrogodo, onde iniciaría unha ascensión cara ao norte, ocupando Rávena no 539 e apresando ao rei Vitixes.
Nunha segunda expedición, no ano 548, conquistará Roma, a cal permanecerá en poder de Bizancio durante algunhas décadas. Ao seu regreso definitivo a Constantinopla recibiu o título de "magister militum per Oriente" e nese cargou ocupouse de defender a capital do Imperio fronte ao ataque duns invasores que as fontes bizantinas definen como hunos no ano 559 (en realidade tratábase dunha coalición de pobos eslavos entre os que destacaban os recentemente chegados búlgaros desde a actual Rusia).
No 562 foi acusado de participar nunha conspiración contra Xustiniano polo que foi encarcerado, pero foi liberado ao ano seguinte. Unha lenda, demostrada como falsa, afirma que Xustiniano ordenou deixalo cego. Faleceu en 565, pobre pero en paz.
| Control de autoridades |
|
|---|
