Castelsarrasin

Castelsarrasin

Localización
44°02′24″N 1°06′25″L
Estado	Francia
Divisións administrativas	Francia Metropolitana
Rexións	Occitania
Departamento	Tarn-et-Garonne
Capital de	arrondissement of Castelsarrasin (en) Canton of Castelsarrasin-2 (en) canton of Castelsarrasin-1 (en) canton of Castelsarrasin (en) (2015–)
Poboación
Poboación	14.178 (2021) (184,68 hab./km²)
Xeografía
Situado na entidade territorial estatística	Q108921316 Q3550967
Superficie	76,77 km²
Bañado por	Río Garona e Rio Tarn (pt)
Altitude	84 m-61 m-97 m
Comparte fronteira con	Les Barthes La Ville-Dieu-du-Temple Moissac Saint-Aignan Saint-Nicolas-de-la-Grave Labastide-du-Temple Castelmayran Cordes-Tolosannes Castelferrus Saint-Porquier
Identificador descritivo
Código postal	82100
Fuso horario	UTC+01:00, horario estándar UTC+02:00, horario de verán
Outro
Irmandado con	Fiume Veneto (pt)
Páxina web	ville-castelsarrasin.fr

Castelsarrasin (fr.) ou Los Sarrasins (oc., non oficial), é un concello occitano situado no departamento de Tarn e Garona, na rexión de Mediodía-Pireneos.

Xeografía

Vila fortificada, está situada sobre o río Tarn, a uns 21 km ao leste de Montauban. Nunha extensión de 76,77 km², tiña en 1999 11.353 habitantes. É un concello moi baixo, cunha altitude comprendida entre os 61 e os 97 m sobre o nivel do mar.

Historia

O seu nome, que significa en occitano, castelo dos sarracenos parece referirse máis ao estilo arquitectónico de construción da fortificación da vila do que a unha suposta presenza ou dirección árabe dos traballos. As primeiras probas da existencia do poboamento de Los Sarrasins remonta a 961. Nesa volta, Reimundo I de Roergue dóalle á abadía de Moissac a igrexa de San Salvador e os seus terreos. Como gran parte das vilas occitanas, foi fortemente castigada durante a cruzada contra os albixenses, pero tamén por outros moitos conflitos armados. As guerras de relixión do século XVI, golpean na católica Los Sarrasins, que excepcionalmente mantén a igrexa intacta fronte aos ataques dos protestantes, que dominaban na rexión.

Na actualidade é o segundo centro económico do departamento de Tarn e Garona.

Cultura e turismo

O edificio máis importante de Castelsarrasin é a igrexa de San Salvador. Mencionada xa na doazón de 961, foi reconstruída en 1254. Tivo ata 1626 funcións conventuais como prioiro da abadía de Moissac, e ata a Revolución Francesa foi a máis importante das igrexas da diocese de Baixo Montauban. Construída en ladrillo conforme os patróns do gótico, destacan particularmente os seus obxectos de mobiliario, traídos a maior parte da abadía de Belleperche e os anxos de mármore.

Ademais, son tamén importantes a igrexa de San Xoán, fundada polos cabaleiros cruzados no século XII, a capela de Nosa Señora de Alem, así como a casa do concello, construída en 1827 e enfeitada con figuras mitolóxicas.

Véxase tamén

Ligazóns externas

• Web oficial de Castelsarrasin Arquivado 16 de xullo de 2011 en Wayback Machine.