A tempada 2002-2003 da Heineken Cup foi a 8ª edición da máxima competición continental do rugby europeo. Nesta edición houbo novamente 24 equipos participantes, divididos en 6 grupos de 4, para afrontar a primeira fase da competición, a fase de grupos. Tralas 6 jornadas correspondentes a esta primeira fase, os primeiros de cada grupo e os 2 mellores segundos clasificáronse para disputar os cuartos de final, a partido único, as semifinais e a final.
Nesta 8ª edición do torneo participaron 6 equipos franceses, 6 ingleses, 5 galeses, 3 irlandeses, 2 italianos e 2 escoceses, exactamente igual que na tempada 2001/02.
Os 6 equipos que remataron primeiros nos seus grupos clasificáronse para os cuartos de final, ademais dos 2 equipos que remataron en segunda posición con máis puntos. Os equipos que xogaron como locais foron aqueles que máis puntos conseguiron, ou en caso de empate, aplicouse o criterio de máis ensaios a prol ou maior diferenza entre puntos anotados e encaixados. Nas semifinais aplicouse o mesmo criterio para decidir que equipo xogaba como local. A final disputouse o 24 de maio do ano 2003 no estadio Lansdowne Road de Dublín diante de 28.600 persoas. Stade Toulousain coroóuse por segunda vez como Campión de Europa.
