Cynthia Powell
 (1964)  | |
| Biografía | |
|---|---|
| Nacemento | (en) Cynthia Lillian Powell 10 de setembro de 1939 Blackpool, Reino Unido |
| Morte | 1 de abril de 2015 (75 anos) Mallorca (España) |
| Causa da morte | cancro de pulmón cancro |
| Residencia | Kenwood, St. George's Hill (en)  (1964–1968)Hoylake (pt) |
| Educación | Escola de Arte e Design de Liverpool (pt) |
| Actividade | |
| Ocupación | artista visual, xornalista de opinión |
| Familia | |
| Cónxuxe | John Twist (1978–1982) Roberto Bassanini (1970–1976), divorcio John Lennon (1962–1968), divorcio |
| Fillos | Julian Lennon (  ) John Lennon |
     | |
Cynthia Lillian Lennon Charles (de solteira Powell) nada o 10 de setembro de 1939 en Blackpool e finada o 1 de abril de 2015 en Mallorca, foi unha artista, empresaria e escritora británica, coñecida por ser a primeira esposa de John Lennon. Como resultado desta unión, tamén se coñeceu como Cynthia Lennon. Mesmo despois do seu divorcio, continuou posuíndo e usando o nome "Lennon", en solidariedade con Julian, o seu fillo con John.
Biografía
[editar | editar a fonte]Relación con Lennon
[editar | editar a fonte]En 1958, John Lennon e Cynthia Powell coñecéronse no Liverpool College of Art, en Liverpool, e inmediatamente el sentiuse atraído pola súa semellanza coa actriz Brigitte Bardot (dise que Cynthia sabía desa filia e por iso tinguiu o seu cabelo a loiro para se parecer á actriz)[1]. Lennon viaxou moito e sempre se comunicou coa súa paixón por carta. En 1962, despois de catro anos de relación, mudáronse xuntos a Londres. O 8 de abril de 1963 tiveron o seu único fillo, nacido en Liverpool: Julian Lennon. Cynthia e John casaron oficialmente ese mesmo ano, o 23 de agosto. A súa unión con John foi sempre unha fonte de desesperación para Brian Epstein, o axente musical de John, xa que un Beatle era un obxecto de desexo para as mozas adolescentes, e ao John estar casado reducía as posibilidades de éxito na súa carreira, e tratou de que mantivesen en segredo a relación[2]. Porén, en 1968 o matrimonio xa estaba desgastado debido ás constantes loitas por celos. Neste ano, John coñeceu á artista xaponesa Yoko Ono, comezando a relacionarse con ela. Despois marchou da casa e a parella de John e Cynthia divorciouse.
Obra escrita
[editar | editar a fonte]Cynthia publicou dúas memorias da súa vida con John, John e A Twist of Lennon [3] nas que conta momentos persoais co seu marido, relatando gran parte da súa vida co artista antes da fama e no inicio da Beatlemanía. Sempre relatou ter sufrido coa ausencia de John e dixo que as drogas "abriron un abismo" entre ambos. Preto do final da súa vida, sorprendeu a amigos e fans confesando que se soubera as consecuencias que tería o seu namorado por Lennon, "daría a volta e teríase afastado del para sempre".[3]
Anos finais
[editar | editar a fonte]Despois do fin do seu matrimonio con Lennon, volveu casar tres veces máis. Debido aos seus matrimonios con homes estranxeiros, viviu en varios países como Gales, Irlanda e España. [3]
Cynthia estaba viúva do seu cuarto marido desde 2013 e vivía soa nas Illas Baleares. Morreu en Mallorca despois de loitar contra un cancro.[3]
Notas
[editar | editar a fonte]- ↑ "Cynthia Powell (Julian Lennon’s mother) files for divorce from John Lennon.". www.famousdaily.com. Consultado o 2022-05-08.
- ↑ Williams, Stereo (2015-04-06). "Cynthia Lennon and the Dark Side of a Legend". Cuepoint (en inglés). Consultado o 2022-05-08.
- ↑ 3,0 3,1 3,2 3,3 "Morre Cynthia Lennon, ex-mulher de John Lennon". Consultado o 01/04/2015.
Véxase tamén
[editar | editar a fonte] |
Wikimedia Commons ten máis contidos multimedia na categoría: Cynthia Powell  |
----
|
Este artigo sobre unha personalidade é, polo de agora, só un bosquexo. Traballa nel para axudar a contribuír a que a Galipedia mellore e medre.
Existen igualmente outros artigos relacionados con este tema nos que tamén podes contribuír. |
