Hicham El Guerrouj

Hicham El Guerrouj

Nome orixinal	(ar) هشام الكروج
Biografía
Nacemento	14 de setembro de 1974 (50 anos) Birkani, Marrocos
Altura	181 cm
Peso	58 kg
Actividade
Ocupación	fondista, corredor, mediofondista, atleta
Período de actividade	1992 -
Membro de	Comité Olímpico Internacional (2004–2012)
Nacionalidade deportiva	Marrocos
Deporte	atletismo
Disciplina deportiva	corrida de meia-distância (pt) carreira de longa distancia
Participou en
2004	Xogos Olímpicos de 2004
2000	Xogos Olímpicos de 2000
1996	Xogos Olímpicos de 1996
Premios
(12 de abril de 2024)  Q127386693 (2014)  IAAF Hall of Fame (pt) (2004)  Campión de Campións de L'Equipe (2004)  Commander of the Order of the Throne (en) (2004)  Premio Princesa de Asturias dos Deportes (2000)  Bislett medal (en)
Descrito pola fonte	Dictionary of African Biography,

Cadro de medallas
Atletismo
Xogos Olímpicos
	Sydney 2000	1.500 m
	Atenas 2004	1.500 m
	Atenas 2004	5.000 m
Campionato do Mundo de Atletismo
	Gotemburgo 1995	1.500 m
	Atenas 1997	1.500 m
	Sevilla 1999	1.500 m
	Edmonton 2001	1.500 m
	París 2003	1.500 m
	París 2003	5.000 m

Hicham El Guerrouj (Árabe: هشام الكروج), nado o 14 de setembro de 1974 en Berkane (Marrocos) é un atleta mediofondista xa retirado. Posúe o récord dos 1500 metros (3:26.00), da milla (3:43.13) e dos 2.000 metros (4:44.79), e foi alcumado no seu momento coma o "Rei da Milla". Anunciou a súa retirada o 22 de maio de 2006, logo de que un virus primeiro e máis tarde unha lesión nas costas o tivesen practicamente apartado das pistas durante dous anos.

A súa carreira deportiva foi merecente de varios recoñecementos, coma o premio ao esforzo humanitario da Asociación Internacional de Federacións de Atletismo (IAAF), que recibiu en 1996. Tamén é embaixador de boa vontade da UNICEF. El Guerrouj foi designado mellor atleta do ano pola IAAF en 2001 e en 2002, logo de quedar invicto en máis de vinte probas, co que se converteu no primeiro home en obter o galardón de atleta do ano por dúas veces consecutivas desde que se creou en 1988. Tamén no 2002 foi designado mellor atleta do ano, a canda a británica Paula Radcliffe, pola revista especializada Track and Field News. En 2003 escollérono membro do Comité de Atletas da IAAF. O 7 de setembro de 2004, Hicham El Guerrouj foi condecorado co "Cordon de Commandeur" polo rei Mohamed VI de Marrocos. Tamén nese ano 2004 recibiu o Príncipe de Asturias dos Deportes polo seu "firme compromiso co deporte e coa sociedade e especialmente coa mocidade e cos máis necesitados".

Historia

A primeira actuación internacional destacada de Hicham El Guerrouj produciuse en 1992, cando quedou terceiro nos 5000 do Mundial júnior de Seúl. Acadou relevo internacional a mediados dos anos noventa cando rozou os récords dos 1500 metros e da milla. Cando tiña só vinte anos conseguiu a medalla de prata nos 1500 m do Mundial de atletismo de 1995, en Gotemburgo. En 1996, logo de facer a súa plusmarca en 1500 en Estocolmo cun tempo de 3:29:51, era un dos grandes favoritos para apañar o ouro olímpico. Pero nos Xogos de Atlanta quedou no posto 12º, levando a vitoria Noureddine Morceli. Contra a fin daquela tempada, no mitin de Milán El Guerrouj conseguiu ser o primeiro en derrotar a Morceli nos 1500, logo de catro anos de invenciblilidade do alxeriano.

Nos anos que seguiron, El Guerrouj converteuse no único mediofondista en obter catro títulos mundiais consecutivos en 1997, 1999, 2001 e 2003. No mitin de Roma de 1998, El Guerrouj fendeu o récord mundial de Morceli sobre os 1500 m, que era de 3:27.37, ao rebaixalo en máis dun segundo (3:26.00). A plusmarca mundial da milla de Morceli caeu ao ano seguinte, tamén en Roma, ao fixar El Guerrouj a marca en 3:43.13. Nesa mesma tempada bateu o récord mundial de 2000, desta volta en Berlín, deixándoo en 4:44.79. En 1999 conseguiu en Bruxelas a segunda mellor marca de todos os tempos no 3000 m (7:23.09). O mellor tempo persoal na distancia seguinte, os 5000, obtívoo en Ostrava en 2003, con 12:50.24.

Logo da prata de Sydney, onde rematara segundo, as súas esperanzas de subir ao máis alto do podio olímpico pasaban por Atenas. Na capital grega El Guerrouj conseguiu a maior das súas proezas, ao obter o ouro tanto nos 1500 coma nos 5000, algo que non acontecía dende os tempos do finlandés Paavo Nurmi, que o acadara en 1924, oitenta anos antes. Nos 1500 deu corrido os últimos 800 nuns trepidantes 1:46 para imporse sobre o queniano Bernard Lagat. Na longa distancia superou o gran favorito, o etíope Kenenisa Bekele.

Hicham El Guerrouj gañou por tres veces consecutivas a Golden League da IAAF, en 2001, 2002 e 2003, o único home que puido facelo.

Mellores marcas persoais

Distancia	Tempo	Data	Lugar
800 m	1:47.18	02-06-1995	Adestrando
1000 m	2:16.85	12-07-1999	Niza
1500 m	3:26.00	14-07-1998	Roma
Milla	3:43.13	07-07-1999	Roma
2000 m	4:44.79	07-09-1999	Berlín
3000 m	7:23.09	03-09-1999	Bruxelas
5000 m	12:50.24	12-03-2003	Ostrava

Títulos

1.500 metros	Posición	Tempo	Lugar	Data	Título
Xogos Olímpicos	1	3:34.18	Atenas	24-08-2004	Ouro
Mundial	1	3:31.77	París	27-07-2003	Campión do mundo
Mundial	1	3:30.68	Édmonton	05-08-2001	Campión do mundo
Xogos Olímpicos	2	3:32.32	Sydney	29-09-2000	Prata
Mundial	1	3:27.65	Sevilla	24-08-1999	Campión do mundo
Grand Prix	1	3:26.00	Roma	14-07-1998	Recordman mundial
Mundial	1	3:35.83	Atenas	06-08-1997	Campión do mundo
Mundial de pista cuberta	1	3:35.31	París	08-03-1997	Campión do mundo
Grand Prix	1	3:31.18	Stuttgart	02-02-1997	Recordman mundial
Mundial	2	3:35.28	Gotemburgo	13-08-1995	Prata
Mundial de pista cuberta	1	3:44.54	Barcelona	11-03-1995	Campión do mundo

Milla	Posto	Tempo	Lugar	Data	Título
Grand Prix	1	3:43.13	Roma	07-07-1999	Recordman mundial
Grand Prix	1	3:48.45	Gent	12-02-1997	Recordman mundial

2.000 metros	Posto	Tempo	Lugar	Data	Título
Final do Grand Prix	1	4:44.79	Berlín	07-09-1999	Recordman mundial

3.000 metros	Posto	Tempo	Lugar	Data	Título
Mundial de pista cuberta	1	7:37.74	Lisboa	11-03-2001	Campión do mundo

5.000 metros	Posto	Tempo	Lugar	Data	Título
Xogos Olímpicos	1	13:14.39	Atenas	28-08-2004	Ouro
Mundial	2	12:52.83	París	31-08-2003	Prata

Véxase tamén

Bibliografía

• El-Guerruj, Hicham (1974- ), Enciclopedia Universal Micronet S.A. 2006 (en castelán).

Ligazóns externas

• Perfil e palmarés completo na IAAF
• El Guerrouj, na web Comité Olímpico
• El Guerrouj na web da Fundación Príncipe de Asturias
• Diario de El Guerrouj na IAAF