La Secuita
| |||||
| Localización | |||||
|---|---|---|---|---|---|
| |||||
| Estado | España | ||||
| Comunidade autónoma | Cataluña | ||||
| Provincia | Provincia de Tarragona | ||||
| Comarca | Tarragonès  | ||||
| Capital | La Secuita (en)  | ||||
| Poboación | |||||
| Poboación | 1.828 (2024) (102,7 hab./km²) | ||||
| Número de fogares | 30 (1553) | ||||
| Lingua oficial | lingua catalá | ||||
| Xeografía | |||||
| Superficie | 17,8 km² | ||||
| Altitude | 169 m | ||||
| Comparte fronteira con | |||||
| Organización política | |||||
| • Mayor of La Secuita (en) | Eudald Roca Gràcia (en) (2023–) | ||||
| Identificador descritivo | |||||
| Código postal | 43765 | ||||
| Fuso horario | |||||
| Código INE | 43144 | ||||
| Código territorial IDESCAT | 431444 | ||||
| Sitio web | lasecuita.cat | ||||
La Secuita é un concello da provincia de Tarragona, en Cataluña, situado na comarca do Tarragonès. Inclúe os núcleos de L'Argilaga, Les Gunyoles, Sant Roc, La Secuita e Vistabella.
Historia
[editar | editar a fonte]A repoboación da zona que hoxe ocupa La Secuita foi encargada polo mosteiro de Santes Creus a Guillem de Claramunt. O termo municipal seguiu en mans do cenobio que foi adquirindo os diversos masos da zona; compra que se completou no século XIII coa adquisición de Vistabella. O alcalde era nomeado desde o propio mosteiro.
Trala desaparición das señorías, os distintos núcleos de poboación uníronse para formar un único municipio. O último en integrarse foi o de Les Gunyoles que o fixo en 1842.
Demografía
[editar | editar a fonte]| 1900 | 1920 | 1940 | 1960 | 1981 | 2000 | 2012 |
|---|---|---|---|---|---|---|
| 980 | 1.069 | 931 | 825 | 914 | 1.131 | 1.607 |
Economía
[editar | editar a fonte]A principal actividade económica é a agricultura, destacando o cultivo da viña. Outros cultivos importantes son as alfarrobeiras, abeleiras e oliveiras.
Cultura
[editar | editar a fonte]
No núcleo antigo de La Secuita atópase a igrexa parroquial dedicada a Santa María. Ten tres naves laterais construídas en diferentes períodos mentres que a nave central é de estilo gótico.
A igrexa de L'Argilaga está dedicada a San Roque e é de construción recente xa que se edificou logo da Guerra Civil. Aí atópase tamén o edificio coñecido como Casa dels Frares construído no século XVIII. As festas maiores celébranse no mes de agosto e como festa de inverno celébrase a festividade de San Paulo, copatrón do pobo.
O arquitecto modernista Josep Maria Jujol edificou en Vistabella unha igrexa dedicada ao Sagrado Corazón. As obras iniciáronse en 1918 por encargo dos habitantes do lugar que non dispoñía de igrexa. O templo foi construído cun certo aire rústico utilizando materiais sinxelos como a pedra ou a madeira.
A festa maior de La Secuita ten lugar no mes de agosto. Teñen tamén tradición as festas de San Sebastián no mes de xaneiro e as de San Cristovo en xullo.
Transporte
[editar | editar a fonte]O 26 de decembro de 2006 inaugurouse, a medio camiño entre Perafort e La Secuita, a estación de Camp de Tarragona, pertencente á liña de alta velocidade Madrid-Barcelona-Fronteira francesa.
Véxase tamén
[editar | editar a fonte] |
Wikimedia Commons ten máis contidos multimedia na categoría: La Secuita  |
Ligazóns externas
[editar | editar a fonte]- Sitio oficial do concello (en catalán)
- Información da Generalitat de Catalunya (en catalán)
- Información do Institut d'Estadística de Catalunya (en catalán)
