Mada'in Saleh

Mada'in Saleh

(ar) مدائن صالح
Tipo	xacemento arqueolóxico
Parte de	Arabia preislámica
Localización
División administrativa	Provincia de Medina, Arabia Saudita
26°48′51″N 37°56′51″L
Composto por	Qasr al-Farid
Características
Superficie	Patrimonio da Humanidade: 1.621,2 ha zona de protección: 1.659,34 ha
Patrimonio da Humanidade
Tipo	Patrimonio cultural  → Mundo árabe
Data	2008 (32ª Sesión), Criterios de Patrimonio da Humanidade: (ii) e (iii)
Identificador	1293

Mada'in Saleh (ou Madain Saleh) (en árabe: مدائن صالح , madāʼin Ṣāliḥ, "cidades de Saleh"), tamén denominada Al-Hijr ("lugar da rocha"), é unha antiga cidade localizada no norte de Hejaz (na actualidade Arabia Saudita, a 22 quilómetros da cidade da Al-`Ula (árabe العلا). Na Antigüidade, a cidade estaba habitada por thamudis e nabateos sendo denominada como Hegra.

Algunhas das inscricións atopadas na zona están datadas cara ao segundo milenio antes de Cristo. Con todo, todos os elementos arquitectónicos restantes dátanse no período das civilizacións Thamudi e Lihyan.

En 2008, a UNESCO proclamou a Mada'in Saleh Patrimonio da Humanidade, converténdose no primeiro lugar de Arabia Saudita en conseguilo.

Localización

O sitio arqueolóxico de Mada’in Saleh está situado a 20 km ó norte da cidade de Al-`Ula, 400 km ó noroeste de Medina, e a 500 km sueste de Petra, Xordania. O sitio está nunha chaira, ós pés dunha meseta de basalto, que forma parte das montañas Hijaz. As partes oeste e noroeste do sitio teñen un nivel freático que pode ser alcanzado a unha profundidade de 20 m. O lugar é coñecido pola súa paisaxe desértica, marcada por afloramentos de arenita de varios tamaños e alturas.

Turismo

O sitio arqueolóxico de Al Hijr – Madain Salih.

Mada'in Saleh está considerada os segundos restos da cultura nabatea máis importante tras Petra. Nabataea.net indica que 131 tumbas se atopan espalladas ao longo de 13,4 quilómetros xunto con cisternas, murallas, torres, etc.

Véxase tamén

Outros artigos

• Petra