Mefistófeles

Mefistófeles voando sobre Wittenberg, nunha litografía de Eugène Delacroix.

Mefistófeles é un demo do folclore alemán. Aparece na literatura como un demo na lenda de Fausto, e dende entón apareceu en multitude de obras como personaxe tipo.

É unha personaxe satánica da Idade Media, coñecida como unha das encarnacións do mal, aliado de Lucifer e Lucius na captura de almas inocentes a través de roubos de corpos humanos atraentes. Porén, é un dos demos máis crueis e en moitas culturas é interpretado como sinónimo do propio Diabo.

Durante o Renacemento, era coñecido polo nome de Mefostófiles, forma da cal deriva unha das súas posibles etimoloxías, segundo a cal o nome procede da combinación da μὴ ("partícula negativa grega"), φῶς ("luz") con φιλής ("o que ama"), ou sexa, "o que non ama a luz". Porén, o significado da palabra non foi estabelecido por completo. Butler menciona que o nome suxire diferentes conxecturas nas linguas grega, persa e hebrea. Entre os nomes suxeridos están Mefotofiles (inimigo da luz), Mefaustofiles (inimigo de Fausto) ou Mefiz-Tofel (destrutor-mentiroso).

Véxase tamén

Outros artigos

• Diabo
• Demo
• Demo (xudaísmo)

Bibliografía

• Russell, Jeffrey Burton (1986). Mephistopheles: The Devil in the Modern World (1990 reprint ed.). Ithaca, Nova York: Cornell. ISBN 978-0-8014-9718-6. 
• Goethe, Johann Wolfgang Von (2001). Cyrus Hamlin, ed. Faust: A Tragedy ; Interpretive Notes, Contexts, Modern Criticism (Norton critical ed.). Nova York: W. W. Norton & Company. ISBN 978-0-393-97282-5. 
• Ruickbie, Leo (2009). Faustus: The Life and Times of a Renaissance Magician. Stroud, UK: History Press. ISBN 978-0-7509-5090-9.