Nordaustlandet
Nordaustlandet | |
---|---|
Localización da illa | |
vista da illa | |
Situación | |
País | Noruega |
Arquipélago | Svalbard |
Mar | Océano Ártico |
Coordenadas | 79°48′N 21°24′L / 79.800, -21.400 |
Xeografía | |
Superficie | 14.433 km² |
Perímetro | 1.688 km |
Punto máis alto | 764 m. Norddomen |
Demografía | |
Poboación | Deshabitada |
Nordaustlandet (literalmente, en noruegués, "Terra do nordeste") é unha illa do grupo das Svalbard situada ao nordeste do arquipélago, de aquí o seu nome, separada da illa principal (Spitzbergen) polo estreito de Hinlopen. Cunha extensión de 14.433 km², 11.009 km² de glaciares, é a segunda illa máis grande do arquipélago. Está deshabitada.
A súa superficie está esencialmente recuberta de glaciares, que se dividen en dúas zonas principais: Austfonna (é dicir, o "glaciar do leste", o máis grande de Europa polo seu volume e Vestfonna (o "glaciar do oeste"). Nordaustlandet está incluída dentro do Parque Natural do Nordeste de Svalbard.
Historia
[editar | editar a fonte]Cazadores de morsas ingleses foron os primeiros en avistar a punta sur de Nordaustlandet en 1617. O descubrimento foi mostrado no mapa da "Compañía de Moscúvia" (1625, pero baseado en descubrimentos feitos en e antes de 1622), coa illa etiquetada como Sir Thomas Smyth's Iland. Tamén mostra o Cabo Norte (Point Purchas). Primeiro chamouse Oostlandt ("Terra Leste") nun mapa holandés de 1662, e ao ano seguinte outro mapa holandés marcou a súa liña de costa máis claramente, mostrando as súas costas oeste e norte, separando esta última das Sete Illas (Sjuøyane). Un mapa holandés de 1710 foi o primeiro en mostrar a illa con precisión, nomeándoa "Het Noord Ooster Land" ("Terra do nordeste").
Notas
[editar | editar a fonte]Véxase tamén
[editar | editar a fonte]Wikimedia Commons ten máis contidos multimedia na categoría: Nordaustlandet |
Bibliografía
[editar | editar a fonte]Outros artigos
[editar | editar a fonte]Ligazóns externas
[editar | editar a fonte]- Western Nordauslandet on Svalbard Images. (URL consultado o 24 de xullo de 2006)
- Eastern Nordauslandet on Svalbard Images. (URL consultado o 24 de xullo de 2006)
- Mapa de Nordaustlandet
- Geology and landscape Arquivado 07 de outubro de 2011 en Wayback Machine.