The Whale (filme de 2022)

The Whale
Ficha técnica
Título orixinal	The Whale
Director	Darren Aronofsky
Produtor	Jeremy Dawson Ari Handel Darren Aronofsky
Guión	Samuel D. Hunter
Baseado en	The Whale de Samuel D. Hunter
Intérpretes	Brendan Fraser Sadie Sink Hong Chau Ty Simpkins Samantha Morton
Música	Rob Simonsen
Fotografía	Matthew Libatique
Montaxe	Andrew Weisblum
Estudio	Protozoa Pictures
Distribuidora	A24
Estrea	Venencia: 4 de setembro de 2022 9 de decembro de 2022
Duración	117 minutos
Orixe	Estados Unidos
Xénero	Drama psicolóxico
Orzamento	3 millóns de dólares
Recadación	57,6 millóns de dólares
Na rede

The Whale é un filme estadounidense de 2022 dirixido por Darren Aronofsky e Samuel D. Hunter. Baséase na obra homónima de 2012. Está protagonizado por Brendan Fraser, Sadie Sink, Hong Chau, Ty Simpkins e Samantha Morton. No filme, un solitario profesor de inglés con obesidade severa intenta restaurar a súa relación coa súa filla adolescente, á que abandonou cando tiña oito anos. O filme rodouse entre o 8 de marzo e o 7 de abril de 2021, en Newburgh, Nova York.

The Whale estreouse na 79ª edición do Festival Internacional de Cinema de Venecia o 4 de setembro de 2022. Tivo unha estrea limitada nos cinemas dos Estados Unidos o 9 de decembro, antes dunha estrea máis ampla o 21 de decembro a través de A24, recadando 54,9 millóns de dólares contra un orzamento de 3 millóns. A crítica tivo unha resposta polarizada; aínda que algúns enxalzaron a actuación, especialmente de Fraser, Chau e Sink, a representación que se fai no filme das loitas relacionadas coa obesidade motivou críticas. Pola súa interpretación, Fraser gañou o Óscar ó mellor actor, o premio Critics' Choice e o premio SAG, Chau foi nomeada ó Óscar á mellor actriz secundaria, e o filme gañou o Óscar á mellor maquillaxe.

Personaxes

• Brendan Fraser como Charlie, un profesor de inglés obeso e solitario.
• Sadie Sink como Ellie Sarsfield, a filla adolescente e distante de Charlie.
  • Jacey Sink como Ellie de nena.
• Hong Chau como Liz, a enfermeira que coida de Charlie e a súa mellor amiga.
• Ty Simpkins como Thomas, un misioneiro cristián.
• Samantha Morton como Mary, a exmuller de Charlie e a nai de Ellie.
• Sathya Sridharan como Dan, un repartidor de pizza.