cristal

Grafías semellantes:     Cristal

Galego

• Etimoloxía: do latín crystallus, -us (ou -i), e este do grego antigo κρύσταλλοσ (xeo, cristal).

• Pronuncia: /kɾisˈtal/ (AFI)

Substantivo masculino

cristal (sg: cristal; pl: cristais)

Macla (agrupación) de cristais de cuarzo.

Viño tinto servido en copa de cristal.

1. Corpo sólido no que os seus elementos materiais constituíntes (átomos, ións ou moléculas) están regularmente dispostos de forma ordenada e periódica nas tres direccións do espazo, e que está limitado por caras planas que responden a dita estrutura interna.
   • Exemplo: Como calcapapeis uso unha macla de cristais de pirita.
     
     
2. Vidro incoloro e moi transparente, que normalmente leva óxido de chumbo na súa composición, e se distingue das variedades comúns pola súa maior densidade e índice de refracción, brillo e sonoridade.
   • Exemplo: Serviu o viño en copas de cristal de Bohemia.
     
     
3. Lámina deste material ou de vidro.
   • Exemplo: Os cristais das ventás estaban embazados.
     
     
   • Exemplo: Caéronme os lentes e rompeu un cristal.
     
     
4. Lámina de xeo que cobre unha poza, lago ou río, formada por conxelación da capa superficial da auga.
   • Exemplo: Ía moito frío e a lagoa tiña unha delgada capa de cristal.
     
     
   • Sinónimos: cadorno, carambelo, lazo.

Termos relacionados

• cristal asimétrico
• cristal biáxico
• cristal covalente
• cristal de rocha
• cristal dicroico
• cristal hemiédrico
• cristal holoédrico
• cristal iónico
• cristal isótropo
• cristal maclado
• cristal metálico
• cristal mixto
• cristal molecular
• cristal uniáxico
• cristal zonado
• cristalino
• método do cristal xiratorio
• monocristal
• vidro