Rory Gallagher

Rory Gallagher w lěće 1982

William Rory Gallagher (* 2. měrca 1948 w Ballyshannon, County Donegal; † 14. junija 1995 w Londonje) bě irski gitarist, spěwar a spěwydźěłar, kiž hraješe předewšěm blues a blues-rock. Nahrawaše wosebje swójske kompozicije, ale tež nowe wersije bluesowych klasikarjow.

Wot 1966 do 1970 bě čłon skupiny Taste, potom wustupowaše jenož hišće pod swójskim mjenom a produkowaše tež wjetšinu swojich albumow sam. Wot 1971 do 1973 wuzwolichu jeho čitarjo nowiny Music Express trójce za najwoblubowańšeho gitarista. Nimo elektriskeje gitary – zwjetša Fender Stratocaster z lěta 1961 – hraješe tež na akustiskej gitarje, hubnej harmonice, mandolinje a saksofonje.

Gallagher wumrě w juniju 1995 po transplantaciji jatrow, kotraž bě trěbna dla jeho alkoholizma. Wón bu pochowany na kěrchowje we wsy Ballincollig pola Cork.

Diskografija (solo)

Studio 1971 – Rory Gallagher (UK złoto – UK Charts # 32) 1971 – Deuce (UK złoto – UK Charts # 39) 1973 – Blueprint (UK złoto – UK Charts # 12, DE # 32) 1973 – Tattoo (UK złoto – UK Charts # 32, DE # 41) 1975 – Against the Grain (UK złoto) 1976 – Calling Card (UK slěbro – UK Charts # 32) 1978 – Photo Finish (UK slěbro) 1979 – Top Priority (UK slěbro – UK Charts # 56) 1982 – Jinx (UK slěbro – UK Charts # 68) 1987 – Defender (UK slěbro) 1990 – Fresh Evidence (UK slěbro) 2011 – Notes From San Francisco (2 CDs, CD1 Studio – dotal njewozjewjeny album z lěta 1978, CD2 Live – dotal njewozjewjene nahraće koncerta w San Francisco w decembrje 1979) (UK Charts # 44, DE # 31) 2013 – Kickback City

Live 1972 – Live! In Europe (UK złoto – UK Charts # 9, DE # 32) 1974 – Irish Tour ’74 (UK złoto – UK Charts # 36, DE # 33) 1980 – Stage Struck (UK Charts # 40) 2003 – Meeting with the G-Man – Amsterdam 1993 2006 – Rory Gallagher Live at Montreux (wjacore nahrawanja z lětow 1975, 1977, 1979, 1985 a 1994) 2010 – Rory Gallagher – The Beat Club Sessions 2013 – Rory Gallagher – Live at the Montreux Festival 1975–94, The Definitive Collection.

Literatura

• Jean-Noel Coghe: Rory Gallagher – a Biography. The Mercier Press Ltd, 2002, ISBN 1-85635-388-5.

Wotkazaj

 Commons: Rory Gallagher – Zběrka wobrazow, widejow a awdiodatajow

• Oficielna webstrona