Շամմի Կապուր

Շամմի Կապուր հինդի՝ शम्मी कपूर
Ծնվել է	հոկտեմբերի 21, 1930(1930-10-21)
Ծննդավայր	Մումբայ, Բրիտանական Հնդկաստան, Բրիտանական կայսրություն
Մահացել է	օգոստոսի 14, 2011(2011-08-14) (80 տարեկան)
Մահվան վայր	Մումբայ, Հնդկաստան
Կրթություն	Don Bosco High School?
Քաղաքացիություն	Հնդկաստան,  Բրիտանական Հնդկաստան և  Հնդկաստանի տիրապետություն
Կրոն	հինդուիզմ
Մասնագիտություն	թատրոնի դերասան, կինոդերասան, կինոռեժիսոր և հեռուստատեսային դերասան
Ծնողներ	հայր՝ Պրիտհվիռաջ Կապուր, մայր՝ Ռամսարնի Կապուր
Ամուսին(ներ)	Գիտա Բալի
Երեխա(ներ)	Ադիտյա Ռաջ Կապուր և Kanchan Ketan Desai?
Պարգևներ և մրցանակներ	Filmfare Awards և IIFA Lifetime Achievement Award?
junglee.org.in

Շամմի Կապուր (հինդի` शम्मी कपूर, ամբողջական անունը` Շամշեր Ռաջ Կապուր, հոկտեմբերի 21, 1930(1930-10-21), Մումբայ, Բրիտանական Հնդկաստան, Բրիտանական կայսրություն - օգոստոսի 14, 2011(2011-08-14), Մումբայ, Հնդկաստան), թատրոնի և կինոյի հնդիկ դերասան, ռեժիսոր։ Արժանացել է Filmfare Awards մրցանակի՝ տղամարդու լավագույն դերի և տղամարդու երկրորդ պլանի լավագույն դերի համար։

Կենսագրություն

Շամմի Կապուրը ծնվել է հայտնի դերասան Պրիտհվիռաջ Կապուրի և նրա կնոջ՝ Ռամսարնի Մեհրայի ընտանիքում։ Նրա ավագ եղբայրը հռչակավոր Ռաջ Կապուրն է, իսկ կրտսերը՝ Շաշի Կապուրը։ 1948-1952 թվականներին Շամմի Կապուրը աշխատել է իր հոր Prithvi Theatres թատերախմբում։ Կինոդեբյուտը կայացել է 1953 թվականին։ Հիմնականում կինեմատոգրաֆ մուտք է գործել հոլիվուդյան դերասան Էրոլ Ֆլինին արտասովոր կերպով նմանակելու շնորհիվ։ 1957 թվականին նկարահանված «Այնպիսին, ինչպիսին դու չես հանդիպել» ֆիլմում նա փորձել է նմանակել ամերիկյան դերասան Ջեյմս Դինին և Էլվիս Փրեսլիին, դրան զուգահեռ հետևելով նաև Դև Անանդի կերտած կերպարներին։ Այդ ոճը հատկապես յուրահատուկ էր 1950-ական թվականների վերջերին ստեղծված ֆիլմերին։

Շամմի Կապուրը հաճախ կերտում էր հարուստ ու շփացած երիտասարդների դերեր և փորձում էր իր ֆիլմերում ընդգրկել արևմտյան ռոք երաժշտությունն հիշեցնող երաժշտական համարներ, որոնք ստեղծում էին դիսկոակումբային մթնոլորտ և հասցեագրված էին Արևմուտք ձգտող դեռահասներին։

Շամմի Կապուրի աշխատանքներից են «Միրզա և Սահիբա» (1957 թ.), «Հանցագործը» (1958 թ.), «Չորս ճանապարհ» (1959 թ.), «Վայրենին» (1961 թ.), «Չինական թաղամաս» (1962 թ.), «Ստախոսը» (1963 թ.), «Արքայազնը» (1964 թ.), «Քաշմիրի գեղեցկուհին» (1964 թ.), «Ասպետը» (1967 թ.), «Երիտասարդությունն ու սերը» (1971 թ.), «Զվարճանքներ որոնելիս» (1974 թ.), «Խիղճ» (1975 թ.), «Հատուցման ժամը» (1976 թ.) և այլ ֆիլմեր։

Շամմի Կապուրը հանդիսանում էր «Shammi Kapoor Presents Manoranjan» զվարճալի տեսաֆիլմաշարի պրոդյուսերը և Internet Users Club of India-ի նախագահը։

Անձնական կյանքը

1955 թվականին Շամմի Կապուրն ամուսնացել է դերասանուհի Գիտա Բալիի հետ։ Այդ ամուսնությունից նրանք ունեցել են երկու երեխա՝ մեկ դուստր և մեկ որդի։ 1965 թվականին Գիտա Բալին մահացել է ծաղիկ հիվանդությունից։ Այնուհետև կարճատև սիրավեպ է ունեցել դերասանուհի Մումթազի հետ։ 1969 թվականին Շամմի Կապուրը ամուսնացել է Նիլա Դևի Գոհիլի հետ։

Շամմի Կապուրը մահացել է 2011 թվականի օգոստոսի 14-ին՝ Մումբայի հիվանդանոցներից մեկում, սուր երիկամային անբավարարությունից։

Մասնակի ֆիլմագրությունը

Թվական	Անվանում	Բնօրինակ անվանում	Կերպար
1953	Կյանքի լույսը	Jeewan Jyoti	Շյամ Սունդեր
1954	Գիշերաթիթեռն ու կրակը	Shama Parwana	Գուլ Միրզա
1954	Գողերի շուկան	Chor Bazar	-
1955	Միս Կոկա-Կոլա	Miss Coca Cola	-
1956	Էմանսիպացիա	Mem Sahib	Մանոհար
1957	Սրճարան	Coffee House	-
1957	Միրզա և Սահիբա	Mirza Sahiban	Միրզա Խան
1957	Այնպես, ինչպես դու չես հանդիպել	Tumsa Nahin Dekha	Շանկար
1958	Հանցագործը	Mujrim	Շանկար, Անանդ
1959	Արևածագ	Ujala	Ռամու
1959	Չորս ճանապարհ	Char Dil Char Raahein	Ջոնի Բրագանզա
1960	Սինգապուր	Singapore	Շյամ
1960	Աղջիկը քոլեջից	College Girl	-
1961	Վայրենին	Junglee	Չանդրա Շեքհար
1961	Մտերիմը	Boy Friend	Մադան, Շյամ
1962	Չինական թաղամաս	China Town	Միքի, Շեքհար
1962	Պրոֆեսորը	Professor	պրոֆեսոր Պրիտամ Կհաննա
1962	Սիրտն անմիտ է	Dil Tera Diwana	Մոհան
1963	Ստախոսը	Bluff Master	Աշոկ
1964	Արքայազնը	Rajkumar	արքայազն Բհանու Պրատապ, Բհագատ Ռամ
1964	Քաշմիրի գեղեցկուհին	Kashmir Ki Kali	Ռաջիվ Լալ
1965	Անմարդկայինը	Janwar	Սունդեր Շրիվաստավ, Սունդարամ Մունդերամ, Շեյխ Կալիմուլլահ
1966	Անպատկառը	Budtameez	Շյամ Կումար Սաքսենա
1966	Սերը տրամաբանել չգիտի	Preet Na Jane Reet	Աշոկ, Մոհան
1966	Երրորդ հարկ	Teesri Manzil	Անիլ Կումար Սոնա (Ռոկի)
1967	Երեկոն Փարիզում	An Evening in Paris	Շյամ Կումար, Հուկում Փաշա, Դիպակ Սեն
1967	Ասպետը	Latt Saheb	Ջանգու
1968	Ամուրին	Brahmachari	Բրահմաչարի
1969	Արքայազնը	Prince	արքայազն Շամշեր Սինգհ
1969	Ով կարող է քեզանից լավը լինել	Tumse Achha Kaun Hai	Աշոկ
1970	Խելագարը	Pagla Kahin Ka	Սուջիտ
1971	Հայտնի անհայտը	Jaane-Anjaane	Ռամ Պրասադ
1971	Ժեստ	Andaz	Ռավի
1971	Երիտասարդություն և սեր	Jawan Muhabat	Ռաջեշ Սարին
1974	Զվարճանքներ որոնելիս	Manoranjan	Դհուպ Չհուն
1975	Խիղճ	Zameer	Թհակուր Մահառաջ Սինգհ
1975	Ճաղավանդակից այն կողմ	Salaakhen	-
1976	Հատուցման ժամը	Bundal Baaz	-
1977	Դաստիարակություն	Parvarish	Շամշեր Սինգհ
1978	Շալիմար	Shalimar	դոկ. Բուխարի
1979	Միրա	Meera	Ռանա Վիկրամջիտ Սինգհ Սեսոդիա
1979	Գիտակցում	Ahsaas	Սուդարշան Սահնի
1981	Քայլ առ քայլ	Ahista Ahista	Սագար
1981	Սիրո փշոտ ճանապարհը	Armaan	-
1981	Պրոֆեսոր Պյարելալը	Professor Pyarelal	միսթր Ռայ
1982	Երիտասարդության երդումը	Yeh Vaada Raha	դոկ. Մեհրա
1982	Հայրենասերը	Desh Premee	Շամշեր Սինգհ
1982	Սիրային հիվանդություն	Prem Rog	Բադե Ռաջա Թհակուր
1982	Ամենազորը	Vidhaata	Գուրբակշ
1983	Սիրո ուժը	Betaab	Սարդար Դինեշ Սինգհ Գիրջի
1983	Պատանդուհին	Hero	Շիկանթհ Մաթհուր
1983	Մենք միասնական հոգի ենք	Ek Jaan Hain Hum	Շյամ Սունդեր Սաքսենա
1983	Սիրավեպ	Romance	միսթր Ռոյ
1984	Հետախուզվում է	Wanted: Dead or Alive	-
1984	Լեգենդ սիրո մասին	Sohni Mahiwal	Փիր Բաբա
1985	Զոհը	Balidaan	Պրեմ Կիշան
1986	Ճակատագրի շրջադարձներ	Karamdaata	Ռայ Բահադուր
1986	Աստծո կողմից փրկվածը	Allah-Rakha	Կարիմ Խան
1987	Հպարտություն և առնականություն	Himmat Aur Mehanat	Մադան
1987	Անկեղծություն	Ijaazat	-
1989	Ուսուցչի որդին	Daata	Շեր Ալի Խան
1989	Բաժանում	Batwara	Բադե Թհակուր
1990	Սև արքայազն Աջուբան	Ajooba	Բահրիստանի սուլթանը
1991	Այստեղ ես եմ կառավարում	Lakshmanrekha	Բաբա Սահեբ
1992	Հանելուկ	Khule-Aam	Սիկանդեր, Բհոլա
1992	Կախարդական հմայքներ	Chamatkar	միսթր Կաուլ
1992	Հիասթափություն	Heer Ranjha	Չոչակ Չոուդհարի
1993	Այսօր իմ կյանքը	Aaja Meri Jaan	Կապուր
1993	Ինձ խոսք տուր	Tum Karo Vaada	-
1995	Ռոք պարողը	Rock Dancer	պարի վարպետ
1996	Սիրո գիրքը	PremGranth	Նանդլալ
1997	Եվ նրանք սիրեցին միմյանց	...Aur Pyaar Ho Gaya	Կապուր
1998	Քո կողքին	Kareeb	Թհակուր Ռանբիր Սինգհ
1999	Անպատասխան սեր	Jaanam Samjha Karo	Ռահուլի պապը
2001	Գրաքննիչը	Censor	Ջուդգե
2002	Ուղևորություն դեպի Լոնդոն	Yeh Hai Jalwa	հնդիկ արդյունաբերող
2002	Անսպասելի շրջադարձ	Waah! Tera Kya Kehna	Կիշան Օբերոյ
2006	Անդադրում երկվորյակները	Sandwich	Սվամի Տրիլոկանանդ
2011	Ռոք - աստղը	Rockstar	Ջամիլ Խան

Ծանոթագրություններ

Վիքիպահեստն ունի նյութեր, որոնք վերաբերում են «Շամմի Կապուր» հոդվածին։