Ահվազ (պարս.՝ اهواز — Ahvâz, արաբ․՝ الأهواز — al-Aḥwāz), քաղաք Իրանի հարավ-արևմուտքում` Խուզեստան օսթանում (նահանգում), վերջինիս վարչական կենտրոնը։ Հանդիսանում է նաև Ահվազ շաhրեստանի վարչական կենտրոնը։ Բնակչությունը վերջին մարդահամարի տվյալներով կազմում է 1 184 788 մարդ (2016)[1][2]։
Գտնվում է Քարուն գետի ափին, խոշոր նավթահանքերի կենտրոնում։ Երկաթուղային հանգույց և գետային նավահանգիստ է, ունի օդանավակայան։ Կան տեքստիլ արդյունաբերության ձեռնարկություններ, պողպատագլանման գործարան։ Ահվազով է անցնում Թեհրան տանող նավթամուղը։ Այստեղ 1968 թվականի դրությամբ ապրում է մոտ 1000 հայ (1968)։ Կա հայկական եկեղեցի։
Քաղաքի բնակչությունը 2016 թվականի մարդահամարի տվյալներով կազմում էր 1 184 788 մարդ, որոնք կազմում էին 331 556 տնտեսություն[3]։ Ահվազը բնակչությամբ Խուզեսթան օսթանի ամենախոշոր[4] և Իրանի ութերորդ ամենախոշոր քաղաքն է[5]։ Քաղաքի բնակչության փոփոխությունը ժամանակի ընթացքում բերված է աղյուսակում ստորև.
Այս հոդվածի կամ նրա բաժնի որոշակի հատվածի սկզբնական կամ ներկայիս տարբերակը վերցված է Քրիեյթիվ Քոմմոնս Նշում–Համանման տարածում 3.0 (Creative Commons BY-SA 3.0) ազատ թույլատրագրով թողարկված Հայկական սովետական հանրագիտարանից (հ․ 1, էջ 237)։
Իրան
