Պետեր Յուհաս
Պետեր Յուհաս հունգ.՝ Péter Juhász | |||
---|---|---|---|
Քաղաքացիությունը | Հունգարիա | ||
Ծննդյան ամսաթիվ | օգոստոսի 3, 1948[1] | ||
Ծննդավայր | Լուչենեց, Բանսկա Բիստրիցկա շրջան, Սլովակիա | ||
Մահվան ամսաթիվ | մարտի 29, 2024[2] (75 տարեկան) | ||
Մահվան վայր | Բուդապեշտ, Հունգարիա | ||
Հասակ | 177 սանտիմետր | ||
Քաշ | 72 կիլոգրամ | ||
Դիրք | պաշտպան | ||
| |||
| |||
| |||
| |||
|
Պետեր Յուհաս (հունգ.՝ Juhász Péter,օգոստոսի 3, 1948[1], Լուչենեց, Բանսկա Բիստրիցկա շրջան, Սլովակիա - մարտի 29, 2024[2], Բուդապեշտ, Հունգարիա), հունգարացի ֆուտբոլիստ, հանդես է եկել պաշտպանի դիրքում։ Նա հիմնականում հանդես է եկել «Ույպեշտ» ակումբի կազմում, որի հետ 7 անգամ դարձել է Հունգարիայի չեմպիոն։ Պետեր Յուհասը հանդես է եկել նաև Հունգարիայի ֆուտբոլի ազգային հավաքականում։
Ակումբային կարիերա
[խմբագրել | խմբագրել կոդը]Ֆուտբոլիստն իր նորամուտը մեծահասակների ֆուտբոլում նշել է 1968 թվականին՝ «Ույպեշտ» ակումբում, որտեղ անցկացրել է ութ մրցաշրջան՝ մասնակցելով առաջնության 148 հանդիպման։ Այդ ընթացքում նա յոթ անգամ նվաճել է Հունգարիայի չեմպիոնի տիտղոսը՝ 1969, 1970, 1970/71, 1971/72, 1972/73, 1973/74 և 1974/75 մրցաշրջաններում, ինչպես նաև մեկ անգամ փոխչեմպիոնի՝ 1969 թվականի մրցաշրջանում։ 1969, 1971 և 1975 թվականներին դարձել է Հունգարիայի գավաթակիր։ 1969 թվականին նա ակումբի հետ հասել է Տոնավաճառների գավաթի եզրափակիչ, սակայն եզրափակիչ հանդիպումներում խաղադաշտ դուրս չի եկել։ Հունգարական ակումբն ընդհանուր հաշվով պարտվել է «Նյուքասլ Յունայթեդին» (0:3, 2:3)։
1976-1982 թվականներին նա հանդես է եկել Հունգարիայի առաջնության բարձրագույն լիգայի այլ թիմերում՝ «Տատաբանյայում» և «Վոլանում»։ Ֆուտբոլիստն իր կրիերան ավարտել է իր ցածր լիգայի ակումբներում։
Պետեր Յուհասը մահացել է 2024 թվականի մարտի 29-ին Բուդապեշտում՝ 75 տարեկան հասակում[3]։
Ազգային հավաքական
[խմբագրել | խմբագրել կոդը]1971 թվականի ապրիլի 4 -ին Հունգարիայի ֆուտբոլի ազգային հավաքականի կազմում իր նորամուտը նշել է Ավստրիայի ֆուտբոլի ազգային հավաքականի դեմ ընկերական խաղում (2:0)[4]։
Հավաքականի կազմում նա մասնակցել է 1972 թվականին Բելգիայում տեղի ունեցած Եվրոպայի առաջնությանը, որտեղ մասնակցել է երկու հանդիպումներին՝ կիսաեզրափակիչ ԽՍՀՄ ֆուտբոլի ազգային հավաքականի դեմ (0:1) և 3-րդ տեղի համար Բելգիայի ֆուտբոլի ազգային հավաքականի (1:2) դեմ։ Մեկ ամիս անց նա մասնակցել է 1972 թվականի Մյունխենի Օլիմպիական խաղերի ֆուտբոլային մրցաշարին, որտեղ նա թիմի կազմում նվաճել է արծաթե մեդալ[5]։ Ֆուտբոլիստը մասնակցել է վեց հանդիպման, այդ թվում՝ եզրափակիչ խաղում Լեհաստանի հավաքականի դեմ (1:2)[6]։
Ընդհանուր առմամբ, ազգային հավաքականում իր կարիերայի ընթացքում, որը տևել է 3 տարի, անցկացրել է 24 հանդիպում և դարձել 1 գոլի հեղինակ։
Ծանոթագրություններ
[խմբագրել | խմբագրել կոդը]- ↑ 1,0 1,1 Transfermarkt.com(բազմ․) — 2000.
- ↑ 2,0 2,1 2,2 Gyász: 75 évesen elhunyt az Újpest legendás balhátvédje, a hétszeres magyar bajnok Juhász Péter — 2024.
- ↑ «Gyászol az Újpest, elment a legenda». Infostart.hu (հունգարերեն). 2024-03-30. Վերցված է 2024-04-05-ին.
- ↑ «Austria vs Hungary, 4 April 1971». eu-football.info (անգլերեն). Արխիվացված օրիգինալից 2022-12-14-ին. Վերցված է 2023-03-31-ին.
- ↑ «Olympedia – Péter Juhász». www.olympedia.org. Արխիվացված օրիգինալից 2022-12-14-ին. Վերցված է 2023-03-31-ին.
- ↑ «FIFA.com - Previous Tournaments». web.archive.org. 2012-07-31. Արխիվացված օրիգինալից 2012-07-31. Վերցված է 2023-03-31-ին.
{{cite web}}
: CS1 սպաս․ bot: original URL status unknown (link)
Արտաքին հղումներ
[խմբագրել | խմբագրել կոդը]Վիքիպահեստն ունի նյութեր, որոնք վերաբերում են «Պետեր Յուհաս» հոդվածին։ |
|