Պրևելի լողափ
| Պրևելի լողափ | |
|---|---|
 | |
| Տեսակ | լողափ |
| Երկիր |  Հունաստան |
| Վարչատարածք | Agios Vasileios? |
 | |
 | |
Պրևելի (հուն․՝ Πρέβελη, նաև անվանում են «Արմավենիների լողափ»), լողափ և լագունա Կրետե կղզում՝ Պրևելի վանքից քիչ հեռու։ Այն ընդգրկում է Կուրտալիոտիկոյի կիրճը[1] և Մեգալոպոտամոս գետի գետաբերանի շրջանը։ Ի տարբերություն Կրետե կղզու այլ լողափերի, այստեղ ափամերձ գոտու ջրի ջերմաստիճանն ավելի ցածր է՝ պայմանավորված նրա մեջ թափվող Մեգալոպոտամոս գետի բերած սառը ջրերով։
Աշխարհագրություն
[խմբագրել | խմբագրել կոդը]Պրևելի լողափի պաշտոնական անվանումը Ֆինիկաս լողափ է, ինչը թարգմանաբար նշանակում է «Արմավենիների լողափ»։ Անվանումը պայմանավորված է ափի երկայնքով ձգվող բնական ծագման արմավենիների անտառային պուրակով։ Այն չափերով զիջում է միայն Կրետե կղզու արևելքում գտնվող Վաի լողափի անտառին։ Վաի անտառը համարվում ոչ միայն Կրետե կղզու, այլև՝ Եվրոպայի, չափերով ամենամեծ և արմավենիների բնական ծագման անտառային պուրակը։ Լողափին մոտ գտնվում է նաև Ֆինիկ Թեոֆրաստ կոչվող արմավենիների ընդարձակ պուրակը։ Պրևելի լողափը գտնվում է Կրետե կղզու հարավային մասում, Ռետիմնոյից հեռու է 35 կմ, իսկ Պրևելի վանքից՝ 2,5 կմ[2]։ Լողափը յուրահատուկ է ավազախճաքարային ծովափի, Մեգալոպոտամոս և Կուրտալիոտիս ջրառատ գետերի հովիտներում աճող արմավենիների անտառային պուրակների համադրությամբ։
Լողափն իր մյուս անվանումը ստացել է Պրևելի վանքի անունից[3]։ Պրևելի լողափի այցեքարտ է համարվում ոչ միայն արմավենիների անտառապուրակը, այլև՝ ծովում գտնվող սրտաձև ժայռը։
2010 թվականին բռնկված հրդեհի արդյունքում արմավենիների պուրակի մեծ մասը այրվեց, սակայն 2011 թվականին այն արագ և բնական ճանապարհով վերականգնվեց։ 2011-2012 թվականներին արմավենիների անտառային պուրակը փակ էր զբոսաշրջային այցերի համար, սակայն արգելքը չէր գործում լողափնյա գոտու համար։ Լողափն ունի զբոսաշրջային մեծ նշանակություն, սակայն քանի որ գտնվում է Կուրտալիոտիկոյի կիրճի ստորին հատվածում, դեպի լողափ ուղիղ ճանապարհ չկա, այն հնարավոր է միայն քայլելով լանջով դեպի ցած։ Ծովափնյա հատված հնարավոր է մուտք գործել նաև Պլակյաս հանգստյան գոտուց՝ տուրիստական նավակներով։
Պատկերասրահ
[խմբագրել | խմբագրել կոդը]-
Պրևելի լողափը և արմավենիների բնական անտառը -
Մեգալոպոտամոս գետի գետաբերանի շրջանը -
Կրետե կղզու հարավում գտնվող Պրևելի լողափը -
Համայնքապատկեր Պրևելիից
Ծանոթագրություններ
[խմբագրել | խմբագրել կոդը]- ↑ «Все, что вам нужно знать об ущелье Курталиотико». Rent-a-Car-Crete.ru - Aренда авто (ռուսերեն). Վերցված է 2022 թ․ ապրիլի 18-ին.
- ↑ «Пальмовый лес и пляж Превели». tocrete.com (ռուսերեն). Վերցված է 2022 թ․ ապրիլի 18-ին.
- ↑ «Монастырь Превели». tocrete.com (ռուսերեն). Վերցված է 2022 թ․ ապրիլի 18-ին.