Gitarra

Gitarra
instantia de: typo de instrumento musical[*]
subclasse de: Q57306162[*], long, thin object[*]
Commons: Guitars

Le gitarra o guitarra (pronunciate /gitara/) es un instrumento musical de chordas con trastes, que usualmente ha sex chordas. Le guitarra es usualmente sonate per ambe manos. Un mano (le mano dominante) pizzica le chordas con un plectro o le digitos. Le mano altere pulsa le chordas erga le trastes, pro curta le parte del chorda que vibra. Con un guitarra acustic, un camera cave converte le resonantia al sono. Con un guitarra electric, un electromagnete converte le resonatia a un signal electric.

Le parola era usate post 1100 pro refere a plura instrumentos de ligno e de chordas que se evolveva in Europa, specialmente Espania. Instrumentos simile existeva in culturas plus antique. Le guiterna e vihuela era precursores al guitarra de renascentia (quatro chordas); le guitarra baroco (cinque chordas) sequeva. Le designo classic con sex chordas era standardisate in Espania le seculo 19. Le chordas era originalmente facite del catgut, ma nunc nylon o aciero era preferite. Il ha tres formas principal del guitarras acustic: le guitarra classic (con chordas del nylon), le guitarra del chordas de aciero e le guitarra archtop (con un alto arcate, popular pro jazz). Originalment usate per flamenco e music classic, guitarras acustic es commun etiam in le musica folk, country, rock, pop, Latin e multe alteros.

Le guitarra electric era inventate durante le annos 1930, proque guitarras acustic poteva esser suffocate per instrumentos in un banda. Le guitarras electric face parve sono sol, ma require un amplificator e altoparlator. Inter le guitarra e le altoparlator, le signal pote era modificate per un equalator e multe devisas de effectos. Le effectos plus commun es distortion e reverberar. Le prime guitarras electric habeva un corpore cave, como un guitarra acustic. Post 1960 guitarras electric con un corpore solide del ligno deveniva plus commun, proque illos evitava realimentation (ululation). Il ha multe typos del guitarra electric: le guitarra semiacustic, le guitarra archtop e le guitarra con un corpore solide. Guitarras electric habeva un influentia profunde al music popular, specialmente rock e blues, e etiam in pop, jazz, funk, country, reggae, metal e multe alteros.

In le accordatura normal, le guitarra es accordate al notas E₂, A₂, D₃, G₃, B₃ e E₄. Le differentias del notas inter le chordas es un quatro, foras G e B, que es un tertio major; le differentia inter le duo chordas E es duo octavas. Accordaturas altere pote era usate. Le musica de un guitarra es scribite con notation musical traditional o tablatura. Con notation traditional, le guitarra es un instrumento transpositor; le mus es notate un octave plus alte.