Subtitulo

Subtitulo
subclasse de: texto[*], caption[*]
Commons: Subtitles

Le subtitulation es un technica ligate al contento audiovisual, notabilemente cinematographic, consistente in le monstra de texto (subtitulos) al basso del imagine, durante le diffusion de un programma, como un film. Iste technica initiate per le cinema ha tamben essite transponite al television, ubi illo pote concerner omne typo de programma como series de television, documentarios, jornales televisate, etc. Illo se applica hodie a tote le medios audiovisual DVD, Internet, etc.

Subtitulation o duplage

Le subtitulation es, con le duplage (que ille ha precedite), un del duo manieras de traducer le parolas pronunciate de un film o de un programma audiovisual assi como le inscriptiones apparente in le schermo. Le subtitulation consiste de monstrar un traduction, synchrone con le dialogo, al basso del schermo (o a vices, como in Japon, al latere). Minus car que le duplage (nam illo non ha costos ligate al registration sonor: studio, actores etc.), illo es dominante in le paises ubi le linguas attinge un publico limitate.