Badmintono
Badmintono esas sporto en qua raketo uzesas por frapar e jetar flugobalono trans ula reto. Ordinare ol ludesas da un ludero kontre altu o du luderi kontre du altri, malgre ke plu granda esquadi povas ludar l'una kontre l'altra. Formale, badminton ludesas en stadii sur kovrita agro rektangulatra, tamen ol povas ludesar en libera aero.
Raketi uzata por ludar badmintono esas lejera, pezanta ordinare de 70 til 95 grami, sen inkluzar ansi o kordeti. La flugobaloni havas konikala formo, havanta 16 tordevolvanta plumi, longa de 6 centimetri e pezanta inter 4,74 e 5,5 grami.
Ca sporto developesis en Britaniana India dum la 19ma yarcento, ma nun Popul-Republiko Chinia en Azia e Dania en Europa dominacas internaciona championkonkursi. Depos 1992, badmintono ank esas Olimpiala sporto.
