Europana refujintala kontroverso
L'Europana refujinala kontroverso koncernas l'eniro di granda nombri de refujinti de Siria, Eritrea, Afganistan ed Irak aden Europana Uniono depos la duimo di 2014, quankam la nombro ja augmentabis depos 2012. Segun Eurostat, la statistikoficejo dil Europana Uniono, esis 561 625 unesma demandanti por azilo en tota 2014[1] (proxime 0,1% dil tota habitantaro dil Europana Uniono) e segun l'International Organisation for Migration esis plu kam miliono di refujinti en tota 2015 (proxime 0,2% dil tota habitantaro dil Europana Uniono). La situeso produktis kontroverso pri la danjero por refujinti, la kusto de agregar li, lia motivizi e lia bonveno. Segun uli, precipue dil politikala dextranaro, li esus simpatika ad Daesh. Uli nomizis la situeso "krizo", ma segun altri, quale Patrick Kingsley, ica nomo esas neapta komparita ad Libano.[2]
Humanale, 3072 refujinti mortis o desaparis en 2014 segun l'International Organization for Migration[3] ed ol aproximas ke 3692 refujinti mortis dum 2015.[4]
Ula Europana guvernerii opozas l'eniro di refujinti, quale Victor Orbán di Hungaria ed Andrzej Duda di Polonia, ma altra guvernerii bonvenigas li e tempale suspensas komplexa prociduri dil Dublin III regularo por ula grupi di refujinti, quale Stefan Löfven di Suedia ed Angela Merkel di Germania.
Citaji
[redaktar | redaktar fonto]- ↑ http://ec.europa.eu/eurostat/news/themes-in-the-spotlight/asylum
- ↑ http://www.theguardian.com/uk-news/2015/aug/10/10-truths-about-europes-refugee-crisis
- ↑ https://publications.iom.int/system/files/pdf/fataljourneys_countingtheuncounted.pdf , pagino 18
- ↑ https://www.iom.int/news/irregular-migrant-refugee-arrivals-europe-top-one-million-2015-iom