Floriade (Nederlando)
La Floriade esas internaciona expozo e garden-festivalo, quo eventas ye omna dek yari en Nederlando. La lasta Floriade eventis en 2012 en Venlo. La nexta* Floriade eventos en 2022 en Almere.
Ante la Floriade olim organizesis en Nederlando per la nomo Flora internationale flor-expozi en la hodiala promeno-bosko Groenendaal en Heemstede en 1925, 1935 e 1953, e mem plu frue en 1910 en la Haarlemmerhout en Haarlem. En Groenendaal esas ankore videbla restaji del flor-expozi, quala pavilioni e sovaja narcisi e hiacinti.
La Floriade koordinesas da la Nederlandse Tuinbouwraad (Nederlandana Gardenkultivado-konsilistaro). La Tuinbouwraad fondesis en 1908 e havas kom skopo, plufortigar la imajo di nederlandana gardenkultivado ed avancigar exportaco, e la Floriade esas por to la maxim importanta moyeno.
Municipi povas kandidatesar por esar hosto di expozo per prizentar "aucion-libro" a la Tuinbouwraad.