1627

Ár

1624 1625 1626 – 1627 – 1628 1629 1630

Áratugir

1611-1620 – 1621-1630 – 1631-1640

Aldir

16. öldin – 17. öldin – 18. öldin

Árið 1627 (MDCXXVII í rómverskum tölum) var 27. ár 17. aldar sem hófst á föstudegi samkvæmt gregoríska tímatalinu en mánudegi samkvæmt júlíska tímatalinu sem er tíu dögum á eftir.

Atburðir

Richelieu kardináli í umsátrinu um La Rochelle. Málverk eftir Henri Motte frá 1881.

• 13. apríl - Pólsk-litháíska samveldið vann sigur á Svíum í orrustunni við Hammerstein.
• 25. maí - Gústaf 2. Adolf særðist við Danziger Haupt í orrustu við Pólsk-litháíska samveldið.
• 20. júní - Tyrkjaránið í Grindavík: Sjóræningjar undir stjórn Murat Reis (Hollendingsins Jan Janszoon) hernámu fimmtán Grindvíkinga.
• 4.-13. júlí - Tyrkjaránið á Austfjörðum: Sjóræningjar frá Barbaríinu rændu og rupluðu í Berufirði og víðar á sunnanverðum Austfjörðum og hernámu 110 manns.
• 16. júlí - Tyrkjaránið í Vestmannaeyjum: Sjóræningjar frá Barbaríinu hernámu 234 Vestmannaeyinga og drápu 36.
• 22. júlí - Englendingar, undir stjórn Buckinghams hertoga, réðust á Réeyju til stuðnings húgenottum í La Rochelle.
• 27. júlí - Jarðskjálfti eyddi bæina San Severo og Torremaggiore á Ítalíu.
• September - Umsátrið um La Rochelle hófst.

Ódagsettir atburðir

• Keisaraherinn undir stjórn Albrechts von Wallenstein réðist inn í Jótland, rændi þar og brenndi allt sem fyrir varð.
• Hollenskt skip sá suðurströnd Ástralíu í fyrsta skipti.
• Síðustu úruxarnir voru drepnir af veiðiþjófum í Póllandi.
• Fyrstu ensku landnemarnir settust að á Barbados.

Fædd

• 25. janúar - Robert Boyle, írskur efnafræðingur (d. 1696).
• 29. nóvember - John Ray, enskur líffræðingur (d. 1705).

Dáin

• 21. júlí - Guðbrandur Þorláksson biskup á Hólum (f. 1541).
• 28. október - Jahangir, mógúlkeisari (f. 1569).

Opinberar aftökur

• Herdísi Guðmundsdóttur drekkt í Miðdölum í Dalasýslu, fyrir sakir dulsmáls.