Frédéric Chopin
Frédéric François Chopin (utawi ingkang misuwur kanthi sebutan basa Polandia: ''Fryderyk Franciszek Chopin utawi ugi asring dipunsebat Szopen[1]) inggih punika salah satunggaling komposer saha minangka satunggaling pianis virtuose saking Żelazowa Wola, Polen, ingkang miyos wonten désa Zelazowa Wola, caket kaliyan kitha Warsawa, Polen ing tanggal 1 Maret 1810 saha séda ing tanggal 17 Oktober 1849 nalika yuswanipun 39 taun[2][3]). Piyambakipun inggih misuwur minangka salah satunggaling musisi romantik ingkang paling ageng. Bapakipun Frederic Chopin inggih punika minangka satunggaling ekspatriat Prancis lan ibunipun inggih ingkang asalipun saking Polen.
Biografinipun
[besut | besut sumber]Fryderyk Franciszek Chopin miyos wonten ing Zelazowa Wola, caket kaliyan Warsawa, Polen ing tanggal 1 Maret 1810. Ramanipun ingkang asma Nicolas Chopin aslinipun inggih saking Marainville, Prancis.[4] Déné ibunipun ingkang asma Tekla Justyna Kryzanowka inggih aslinipun saking Polen.[5] Ramanipun inggih minangka guru basa Perancis wonten ing Warschauer Lyzeum lan piyambakipun ugi saged ngginakaken pirantos musik piyul saha flute, déné ibunipun inggih minangka satunggaling pemain piano ingkang saé sanget.[6] Chopin gadhah tigang sedhèrèk kandhung.[7] Ingkang sapisan inggih punika Ludwika Marianna Chopin (1807-1855) ingkang minangka mbakyu kandhungipun Chopin ingkang mbarep. Justyna Izabela Chopin (1811-1881) inggih punika putra angka tiga wonten ing kulawarga Chopin. Saha sedhèrèkipun ingkang paling wuragil inggih asma Emilia Chopim (1812-1827). Kanggé nyingkiri wontenipun wajib militèr ingkang dipunwajibaken dhateng sadaya tiyang kakung ing Prancis, mila ing taun 1787 Nicolas Chopin lajeng pindhah saking Prancis lan salajengipun netep dumunung wonten ing Polen. Chopin miyos boten dangu sasampunipun kekalih tiyang sepuhipun pindhah dhateng Polen. Chopin inggih gadhah bakat alami kanggé dolanan piano. Perkawis punika saged katitik saking asiling garapan improvisasi-imporvisasinipun nalika nyetel piano. Asiling garapan komposisinipun ingkang sepisanan dipundamel déning Nicolas Chopin inggih punika Polonaisen g-Minor lan Bes-Mayor. Nalika yuswanipun piyambakipun wolung taun, piyambakipun inggih sampun saged pentas wonten ing sangajengipun tiyang kathah kanggé maragakaken piano konserto kagunganipun Gywortez. Chopin pikantuk pendhidhikan musik ingkang sepisanan déning pianis Bohemia Adalber Ziwny.[8]
Cathetan suku
[besut | besut sumber]- ↑ Szopen (prononcé « chopéne ») est l'orthographe polonaise de « Chopin »
- ↑ Dans une lettre qu'il adressait le 16 janvier 1833 au président de la Société littéraire polonaise à Paris, Chopin écrivait qu'il était "né le Cithakan:1er mars 1810 au village de Żelazowa Wola dans la province de Mazovie": Selected Correspondence of Fryderyk Chopin, abridged from Fryderyk Chopin's correspondence, collected and annoted by Bronislaw Edward Sydow, translated by Arthur Hedley, McGraw-Hill, 1963, p. 116 Lire en ligne
- ↑ Alors sur le territoire du Duché de Varsovie
- ↑ Jachimecki, Zdzisław (1937). "Chopin, Fryderyk Franciszek". Polski słownik biograficzny . Vol. 3. Kraków: Polska Akademia Umiejętności. kc. 420–26.
- ↑ Arthur Hedley et al., "Chopin, Frédéric (François)," Encyclopædia Britannica, 15th ed., 2005, vol. 3, pp. 263–64.
- ↑ Łopaciński, Wincenty (1937). "Chopin, Mikołaj". Polski słownik biograficzny . Vol. 3. Kraków: Polska Akademia Umiejętnosści. kc. 426–27.
- ↑ Édouard Ganche, Frédéric Chopin: sa vie et ses œuvres (Frédéric Chopin: His Life and Works), Mercure de France, 1913.
- ↑ Szulc, Tad (1998). Chopin in Paris: the Life and Times of the Romantic Composer. New York: Scribner. ISBN 0-684-82458-2.