Lombok rawit
| Lombok rawit | |
|---|---|
| |
| Lombok rawit | |
| Klasifikasi ngèlmiah | |
| Karajan: | Plantae |
| Unranked: | Angiosperms |
| Unranked: | Eudicots |
| Unranked: | Asterids |
| Ordho: | Solanales |
| Famili: | Solanaceae |
| Génus: | Capsicum |
| Spésies: | Frutescens |
Lombok rawit, cabe rawit, utawa sabrang rawit iku woh-wohan lan tuwuhan anggota génus Capsicum. Saliyané ing Indonésia, uga tuwuh lan populèr minangka bumbu masakan ing nagara-nagara Asia Kidul-Wétan liyané. Ing Malaysia lan Singapura tuwuhan iki diarani cili padi, ing Filipina siling labuyo, lan ing Thailand phrik khi nu. ing Kerala, India, ana masakan tradhisional sing migunakaké lombok rawit lan dijenengaké kanthari mulagu. Sajeroning basa Inggris dikenal kanthi jeneng Thai pepper utawa bird's eye chili pepper.
Woh lombok rawit owah wernané saka warna ijo dadi abang nalika wis tuwa. Sanadyan ukurané luwih cilik saka varietas lombok liyané, nanging lombok rawit dianggep cukup pedhes amarga kapedhesané ngancik 50.000 - 100.000 sajeroning skala Scoville. Lombok rawit biyasa didol ing pasar-pasar bebarengan karo varitas lombok liyané.